Monday , August 15 2022

Kampo ng kontrobersiyal na shareholder lumusob sa Okada Manila

NASANGKOT sa kontrobersiya noong nakaraang buwan ang kilalang hotel and casino — ang Okada Manila nang marahas na lumusob ang kampo ni Kazuo Okada at ang kanyang mga kasabwat na Filipino businessmen.

Ang Japanese businessman, nahaharap sa 29 kaso sa iba’t ibang bansa — 12 sa Japan, anim sa Hong Kong, pito sa Filipinas, isa sa South Korea, isa sa Macau, at dalawa sa Amerika, ay kapangalan ng Okada Manila pero hindi ang may-ari ng hotel at casino at hindi rin shareholder sa Tiger Resort Leisure and Entertainment Inc. (TRLEI), ang operator ng hotel at casino.

Sa record, matagal nang napatalsik si Kazuo sa board ng TRLEI dahil sa maling pamamahala at kawalan ng kompiyansa ng mga investors at shareholders ng Tiger Resort Asia Ltd. (TRA), Universal Entertainment Corp. (UEC), at maging ng Okada Holdings Ltd. (OHL).

Noong 31 Mayo 2022, gamit ang status quo ante order mula sa Supreme Court (SC), si Kazuo, kasabwat ang ilang maimpluwensiyang Filipino businessmen sa pangunguna nina Tony Boy Cojuangco at Dindo Espeleta ay pumasok sa loob ng hotel at casino, at ‘ilegal’ na inaako ang pamamahala at paged-deploy ng huwad na board of directors.

Sa kautusan ng mataas na hukuman, temporary relief ang panukala, habang nirerebyu ang merito ng kaso ay nangangailangan lamang na ibalik ng mga partido ang estado ng mga pangyayari bago patalsikin si Kazuo Okada mula sa TRLEI noong 2017.

Si Kazuo, kilalang may mapanlinlang na pag-uugali, sa buong taon niya sa negosyo, sa katunayan nakatira siya sa Japan at natatakot bumisita sa Filipinas dahil sa kasong kriminal na kinakaharap.

Ipinakita sa record ng korte na si Kazuo Okada at mga kasamahan na si Takahiro Usui, kapwa dating humawak ng posisyon sa pamamahala sa Okada Manila ay naglustay ng hindi bababa sa $3.16 milyon bago napatalsik noong 2017 kaya sinampahan ng kasong estafa sa ilalim ng Article 315 ng Revised Penal Code dahil sa hindi awtorisadong pagbabayad kay Kauzo ng $443,835.62 noong 30 Abril 2017, $2.22 milyon noong 9 Mayo 2017, at isa pang $500,000 noong 30 May 2017.

About hataw tabloid

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …