SAKSIHAN ang bihirang bonding ng mag-inang Imee Marcos at anak na si Governor Matthew Manotoc ng Ilocos Norte sa isang brand-new vlog entry sa Hulyo 8 (Huwebes) sa official YouTube channel ng Senadora.
Mapapanood sa vlog sina Imee at Matthew na game na game na nagkuwentuhan sa isang dibdibang usapan habang sinasagot nila ang mga katanungang hindi pa nila naitatanong sa isa’t isa. Mula sa nakaaaliw hanggang sa mga pagkakataon na tiyak na makukurot ang puso ng mga manonood, maaaring abangan ng mga tagahangga ang mga ‘di malilimutan at heartwarming na karanasan kasama ang mag-ina.
“Bibihira kaming magsama ni Matt para ma-enjoy ang company ng isa’t isa dahil pareho kaming very busy,” ani Imee. “Alam namin ang konsepto ng vlog at tawa lang kami ng tawa. At one point we really forgot that there were cameras rolling. It felt great to do this with him and I’m excited to share all the fun that we had in shooting the video.”
At, sa Hulyo 9 (Sabado), dadalhin ng walang pagod na na Senadora ang kanyang YouTube viewers sa ultimate Davao crawl sa kanyang pagbisita sa pinakasikat na tourist destinations ng lungsod gaya ng pinag-uusapang Magsaysay Fruit Vendors, ang Davao City Hall, San Pedro Cathedral, Quezon Park, at Poblacion Market Central.
Tinikman din ni Imee ang masasarap na pagkain ng lungsod sa isang tanghalian kasama sina Mayor Baste Duterte at Sen. Bong Go na hosted ni April Dayap ng Davao City Investment Promotion Center (DCIPC) sa Marina Tuna Bo. Pampanga habang tinapos naman niya ang kanyang araw sa Kusina Dabaw – na kilala sa masasarap nitong lomi, homemade breads, pancit guisado, lumpiang shanghai, at siopao.
Sumama na sa bonding ni Imee kay Matthew at tunghayan ang gems ng Davao na makikita sa mga mata ng namanghang Senadora at mag-subscribe sa https://www.youtube.com/c/ImeeMarcosOfficial/featured.