Tuesday , July 5 2022

Dismissal binaliktad ng korte
ARESTO VS DOC NATY MULING INIUTOS 

062322 Hataw Frontpage

IPINAG-UTOS ng Regional Trial Court ng Bayugan, Agusan del Sur Regional Trial Court ang pagdakip kay Dr. Maria Natividad Castro, kilala rin bilang Doc Naty, matapos baliktarin ang ruling nito noong 22 Marso 2022 na nagdi-dismiss sa kasong kriminal na isinampa laban sa manggagamot.

Unang nadakip si Dr. Castro, isang human rights at public health advocate, noong 18 Pebrero sa mga kasong kidnapping at serious illegal detention.

Noong Marso, ibinasura ang mga kaso laban kay Dr. Castro sa dalawang dahilan – pagtanggi sa kanyang “substantive right” para sumailalim sa due process at kawalan ng hurisdiksiyon.

Naghain ang mga state prosecutor ng motion for reconsideration upang muling tingnan ng hukuman ang kaso.

Sa order na inilabas ni Executive Judge Ferdinand R. Villanueva noong 16 Hunyo, binaliktad nito ang naunang kautusang may petsang 25 Marso 2022 na nagbabasura sa kaso laban sa doktor.

Sa briefer na inilabas ng Department of Justice (DOJ), binaliktad ang order na inilabas noong Marso dahil nabatid na nabigyan ng due process si Dr. Castro dahil nagsagawa ng preliminary investigation, at mayroon umanong hurisdiksiyon ang korte sa akusado.

Ayon sa hukuman, salungat sa mga pahayag ay nagkaroon ng preliminary investigation bago magsampa ng kaso at naitala ito ngunit hindi nahainan ng summons si Dr. Castro.

“If the accused/respondents cannot be summoned, it does not mean that Preliminary Investigation will be held in abeyance. The rule is clear that the prosecution will resolve the complaint on the basis of the evidence presented,” nakasaad sa bahagi ng court order.

Kinilala rin ng korte ang pahayag ng complainant na miyembro ang doktor ng New People’s Army (NPA).

Bagaman una nang ibinasura ang kaso laban kay Dr. Castro, hindi umano ito double jeopardy na ibig sabihin ay pag-usig ng dalawang beses sa isang tao para sa parehong kaso.

Sa kanilang talaan, hindi pa nasasakdal ang doktor kaya hindi ito masasabing double jeopardy.

About hataw tabloid

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …