Monday , March 27 2023
Gun Fire

Dalaga binoga ng may-ari ng punerarya

KRITIKAL ang kalagayan sa pagamutan ng isang 34-anyos dalaga matapos barilin ng isang negosyanteng may-ari ng punerarya sa loob ng kanyang bahay sa Malabon City, kahapon ng madaling araw.

Kasalukuyang inoobserbahan sa Manila Central University (MCU) hospital ang biktimang kinilalang  si Maria Angela Prado, residente sa Kalayaan St., First Rainbow, Makati City, sanhi ng tama ng bala sa dibdib.

Nakapiit at nahaharap sa kaukulang kaso ang suspek na kinilalang si Vonrich Vina, 45 anyos, negosyante, may-ari ng Rose Wood Funeral, at residente sa Naval St., Brgy. Flores, Malabon City.

               Batay sa pinagsamang ulat nina P/SSgt. Ernie Baroy at Mardelio Osting kay Malabon City police chief Col. Albert Barot, dakong 4:00 am nang maganap ang insidente sa bahay ng suspek sa nasabing barangay.

Lumabas sa imbestigasyon ng pulisya, armado ng handgun ang suspek at sa hindi malamang dahilan ay binaril nito ang biktima na tinamaan sa dibdib.

Matapos ang insidente, isinugod ng suspek na si Vina ang biktima sa nasabing pagamutan habang inaresto siya ng nagrespondeng mga tauhan ng Malabon Police Sub-Station 7 sa pangunguna ni P/Lt. Joel Dalawangbayan.

Nakuha ng mga imbestigador sa crime scene ang isang basyo ng bala, isang cal. 9mm pistol Glock, may isang magazine at kargado ng apat na bala.

Patuloy na inaalam ng pulisya ang motibo ng suspek sa pagbaril sa biktima. (ROMMEL SALES)

About Rommel Sales

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …