Wednesday , July 6 2022
workers accident

Sa Meycauayan, Bulacan
BAHAGI NG GUSALI GUMUHO, 3 PATAY

ni Micka Bautista

KINUMPIRMA ng mga awtoridad na binawian ng buhay ang tatlong trabahador nang gumuho ang ikalawang palapag ng ng isang gusaling nirerentahan bilang isang warehouse sa lungsod ng Meycauayan, sa lalawigan ng Bulacan, nitong Martes, 31 Mayo.

Kinilala ni P/Col. Charlie Cabradilla, Bulacan PPO provincial director, ang mga nasawi na sina Roel Preston, 38 anyos; Analyn Baldon, 35 anyos; at James Franklin Marcelo, 19 anyos, pawang mga trabahador ng E-ONE Consumers Trading Corporation.

Matatagpuan ang warehouse sa loob ng Muralla Industrial Park sa Brgy. Libtong, sa nabanggit na lungsod.

Ayon kay Cabradilla, naipit ang tatlo sa gumuhong bahagi ng ikalawang palapag ng gusali dakong 5:00 ng hapon kamakalawa.

Nakuha ang mga katawan ng tatlong trabahador sa pagitan ng 11:35 ng gabi noong Martes at 7:52 ng umaga kinabukasan.

Naunang naiulat na nawawala si Marcelo ngunit natagpuan ang kaniyang katawan nitong Miyerkoles ng umaga.

Samantala, sugatan ang isa pang empleyadong kinilalang si Marjorie Naling, 28 anyos, na dinala sa pagamutan upang malapatan ng atensyong medikal.

Sa imbestigasyon, gumuho umano ang ikalawang palapag dahil sa overloading ng mga stock ng mga solar panel at mga tent.

Pahayag ni P/Col. Leandro Gutierrez, hepe ng Meycauayan CPS, patuloy ang kanilang pagsisiyasat sa insidente upang matukoy ang possibleng kasong isasampa laban sa among Chinese national ng mga biktima.

Samantala, sinabi ng kinatawan ng kompanya na sinagot ng may-aring Chinese national ang mga gastusin sa pagamutan ng mga nakaligtas at pagpapalibing sa tatlong namatay na biktima.

About Micka Bautista

Check Also

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

dead gun police

Sa Jaen, Nueva Ecija
CARETAKER NIRATRAT NG RIDING-IN-TANDEM 

PATAY ang isang caretaker nang barilin ng dalawang armadong lalaking magkaangkas sa motorsiklo sa bayan …