Tuesday , July 5 2022
dead gun police

Sa harap ng ama at tiyuhin
BINATILYO PINAGBABARIL, LEEG NILASLASAN PATAY

AGAD namatay ang isang binatilyo nang pagbabarilin ng anim na hindi kilalang suspek saka ginilitan sa leeg sa isang kalye sa Brgy. Nagsaing, sa bayan ng Calasiao, lalawigan ng Pangasinan, nitong Biyernes ng umaga, 20 Mayo.

Ayon sa pulisya, agad binawian ng buhay ang 15-anyos biktima dahil sa anim na tama ng bala sa kaniyang katawan at mga laslas sa kaniyang leeg.

Nabatid na naglalakad sa kalsada ang biktima kasama ang kaniyang ama at tiyuhing kinilalang si Willie Saplan, nang dumating at paligiran sila ng anim na suspek na sakay ng apat na motorsiklo.

Bumunot ng baril ang isa sa mga suspek at ilang beses pinaputukan ang biktima saka nilaslas ng isa pa ang kaniyang leeg.

Nitong Sabado, 21 Mayo, ipinag-utos ni P/Col. Richmond Tadina, provincial director ng Pangasinan PPO, sa hepe ng Calasiao PNP na magsagawa ng malalimang imbestigasyon upang matukoy ang person/s of interest kaugnay sa krimen.

Napag-alamang bago ang pamamaril, ipinatawag sa barangay hall ang menor de edad na biktima na sinamahan ng kaniyang ama at tiyuhin para sa isang paghaharap ngunit hindi dumating ang nagreklamo.

Ani P/Col. Tadina, inimbitahan ang biktima sa barangay dahil sa pagkakasangkot sa insidente ng nawawalang bagay sa isang utility box sa plaza noong kasagsagan ng kampanya sa eleksiyon.

Samantala, narekober ang mga basyo ng bala ng baril sa pinangyarihan ng insidente na isasailalim sa pagsusuri.

Dagdag ni Tadina, itinuturing na person of interest ang nagreklamo laban sa biktima at kung may kaugnayan sa mga insidenteng may may kaparehong modus sa isa pang bayan sa Pangasinan.

Patuloy ang pagsasagawa ng dragnet at checkpoint operations ng lahat ng estasyon ng pulisya sa lalawigan para sa madaling pagkakadakip sa mga tumakas na suspek.

About hataw tabloid

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …