Wednesday , May 25 2022
Bongbong Marcos

COC ni Marcos, Jr. ipakakansela sa Korte Suprema

MAGPAPASAKLOLO sa Korte Suprema ang mga biktima ng martial law upang ipakansela ang certificate of candidacy (COC) ng anak ng diktador at presidential bet Ferdinand Marcos, Jr., matapos ibasura kahapon ng Commission on Elections (Comelec) en banc ang kanilang petisyon.

Sinabi ni Kapatid spokesperson Fides Lim, pinaninindigan ng kanilang grupo ang petisyon na ipakansela ang COC ni Marcos, Jr., dahil isa siyang convicted tax evader kaya’t hindi siya puwedeng maging presidential bet sa 2022 elections.

“Our lawyers will now go to the Supreme Court to challenge the Comelec decision that summarily and belatedly dismissed our petition though the Comelec had ample time to decide on our petition way before Election Day,” ani Lim sa isang kalatas.

Sinabi ng mga petitioner, hindi dapat tumakbo si Marcos dahil sa tax evasion conviction noong 1995 dahil sa kabiguang paghahain ng kaniyang income tax returns noong siya’y gobernador at bise-gobernador ng Ilocos Norte mula 1982 hanggang 1985.

“Marcos Jr.’s prior criminal conviction involves perpetual disqualification from public office. His projected presidential win does not absolve him from this immutable fact nor does it detract a bit from the fundamental principles of truth, honesty, accountability and integrity demanded of any person who seeks the highest office in land. This is the core of our petition,” ayon kay Lim.

“Our battle now continues before the bench of the Supreme Court and in other venues to make our voices heard that principle not politics must hold sway. We ask every Filipino citizen to stand with all of us who value the same principles and rule of law that define us as a nation.”

Kapag kinatigan ng Korte Suprema ang petisyon sa panahong nakapanumpa na si Marcos, Jr., bilang ika-17 pangulo ng bansa, matatanggal siya sa puwesto at papalitan ng nagwaging bise-presidente na inaasahang si Davao City Mayor Sara Duterte.

Sakaling maglabas ng desisyon ang Supreme Court na pabor sa petitioner at hindi pa nakakapanumpa si Marcos, Jr., bilang pangulo, ang iluluklok na presidente ng Filipinas ay ang ikalawang nakakuha ng pinakamataas na boto sa presidential elections na si Vice President Leni Robredo. (ROSE NOVENARIO)

About Rose Novenario

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …