Friday , March 29 2024
Toby Tiangco John Rey Tiangco

Tiangco brothers wagi sa Navotas

BINIGYAN ng mga botante ng Navotas ang Partido Navoteño ng landslide victory sa katatapos na halalan.

Iprinoklama ng Commission on Elections (Comelec)  City Board of Canvassers kahapon, Martes dakong 4:05 am, ang bagong halal na congressman, mayor, vice mayor at mga konsehal ng lungsod.

Nanguna si Mayor Toby Tiangco sa congressional race na may 79,505 votes habang si Congressman John Rey Tiangco ay nakakuha ng 80,908 boto. 

Si Mayor Tiangco, kasama ang congressman at iba pang Partido Navoteño, ay humarap sa kanilang  constituents sa pamamagitan ng Facebook Live kasunod ng kanilang proklamasyon.

“Kami po ay nagpapasalamat sa suporta ninyo sa buong Partido Navoteño. Gagamitin po namin ang suporta ninyo bilang inspirasyon para higit pa kayong mapagsilbihan at lalong mapaangat ang buhay ng bawat Navoteño,” ani Mayor Tiangco.

Ipinahayag ng magkapatid ang kanilang pasasalamat at pangako na ipagpatuloy ang kanilang tatak ng serbisyo at pamamahala.

“Maraming, maraming salamat po sa inyong tiwala at sa suportang ibinigay ninyo sa amin at sa buong Partido Navoteño. Sana ay magkaisa po tayo at magtulungan para matupad ang ating pangarap na patuloy na mapataas ang pamumuhay sa ating lungsod,” sabi ni Cong. Tiangco.

Nanguna rin si first-time vice mayoral candidate, Councilor Tito Sanchez sa local elections na may 84,065 boto.

Nangibabaw ang mga reelectionist councilor na sina Migi Naval, CJ Santos, Neil Cruz, at Liz Lupisan mula sa District 1, at RV Vicencio, Richard San Juan, Alvin Nazal, Rey Monroy, at Tarok Maño mula sa District 2.

Ang kasalukuyang Vice Mayor na si Clint Geronimo, maging ang mga first-time candidates na si Abu Gino-gino at Lance Santiago ay iprinoklama rin. (ROMMEL SALES)

About Rommel Sales

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …