MATABIL
ni John Fontanilla
NAKATIKIM ng pangaral si Kim Chiu kay Arnell Ignacio kaugnay sa malisyosong pasaring nito sa tumatakbong Pangulo na si BBM sa kung bakit hindi ito ang sumasagot sa mga isyung ipinupukol sa kanya, bagkus ang kanyang Chief of Staff at tagapagsalita na si Atty. Vic Rodriguez.
Nag-ugat ang isyu nang mag-tweet si Kim ng, “Uhm curious lang po? bakit parang mas si sir spokesperson yung laging sumasagot, nakikita at humaharap? sha po ba yung tatakbo.”
Buwelta ni Arnell, “si Atty. Vic Rodriguez ang chief of staff at tagapagsalita ni Marcos, kaya naman may karapatan itong magsalita in behalf of BBM.
“Ang spokesperson ay isang tao na nagsasalita in behalf of somebody else.”
Sa dami nga raw ng ginagawa at pinagkakaabalahan ni BBM lalo na’t malapit na ang botohan ay wala na itong oras pa para patulan ang mga isyu na ipinupukol sa kanya.
Dagdag pa nito, “You know ( Kim ), what’s best for you, get a spokesperson for yourself. Malaking tulong ‘yan para hindi ka sumasabit, Kim.”