Calista  wagi ang Big Dome concert

MATABIL
ni John Fontanilla

PINUNO ng hiyawan at palakpakan ang matagumpay na first major concert  ng Calista na ginanap sa Araneta Coliseum last April 26, ang Vax To Normal na hatid ng Merlion Events Production Inc.,directed by Nico Faustino.

Ang Calista ay binubuo  nina  Anne Tenorio, Olive May, Denise Pello, Dain Leones, Laiza Comia and Elle Pascual na pare-parehong masaya sa resulta ng kanilang concert.

Bawat production number  ng Calista ay talaga namang pinag-isipan, pinaghandaan, at pang-international ang dating at talaga namang pinalakpakan.

Uplauded din ang production numbers nila kasama ang kanilang mga special guest mula kina  AC Bonifacio, Elmo Magalona,Andrea Brillantes, Darren Espanto, Yeng Constantino, at Ken San Jose.

Ang Calista ay alaga ng kaibigang Tyrone James Escalante na siyang CEO & President ng T.E.A.M ( Tyronne Escalante Artist Management ).

Pagkatapos ng kanilang successful concert ay magiging abala ang grupo sa daming proyekto na kanilang gagawin ngayong taon.