Alvin binilinan ng ina: ‘Wag magbago tulungan ang nakararami

MA at PA
ni Rommel Placente

TUMATAKBONG mayor ng Cainta ang PBA Superstar na si Alvin Patrimonio. 

Sa naganap na presscon para sa kanyang pagpasok sa politika, ipinaliwanag niya kung bakit nagdesisyon siya na tumakbong mayor sa nasabing lungsod.

“Gusto ko lang pong mas lalong mapaganda at mapabuti ang aming bayan. Puwede naman po na ang isang basketball player ay manglingkod,” simulang sabi ni Alvin.

“Ipinagdarasal ko po ito. Matagal na po kasi na may nag-i-invite sa akin to run for a public office. Kahit noong naglalaro pa lang ako,may nag-i-invite na sa akin na tumakbo. Sabi ko hindi ko pa po time.

“And ngayon po, maganda ‘yung timing po. From basketball arena to political arena naman.

“And ang talagang purpose ko po is to serve sa maraming tao. Kaya naging choice ko na rin po na pumunta sa larangan ng politika.”

Humingi muna ng basbas si Alvin sa kanyang ina bago tuluyang nagdesisyong tumakbo sa mayoralty race.

“Siyempre una, humingi ako ng basbas sa nanay ko. Ang tatay ko kasi, wala na,eh.

“Alam ko hindi nila ako papayagan kasi sabi magulo ang politika. Pero ‘yung nanay ko, sabi ko, ‘Ma gusto ko  mas maraming matulungan.’

“Timing po, pandemic pa. Siguro ito ‘yung ibinigay na flatform para mas marami akong matulungan pa.

“’Yung pinayagan na ako ng nanay ko, last minute pumayag na rin siya. Sabi niya, ‘Huwag kang magbabago, anak. Alam ko, marami kang matutulungan.’

“Nagpaalam din ako sa wife ko, sa family ko. And si wife ko, isa siya sa nag-push sa akin na tumabko. At ‘yung son-in-law ko, silang dalawa ang nag-push sa akin na tumakbo, na pumunta sa ibang career.

“Mga anak ko, pumayag din. Alam nila na ‘yung lugan namin, ‘yung Cainta, marami pang i-impove na pipilitin ko na mas gumanda pa.

“Mga boss ko rin, nagpaalam ako. Hindi naman sila tumutol. Susuporta rin sila sa journey ko sa politics,” aniya pa.