Friday , May 27 2022
Bongbong Marcos Romulo Macalintal Leni Robredo

Walang nangyaring dayaan noong 2016 VP race – Macalintal

IBINASURA ng election lawyer na si Romulo Macalintal ang paratang ni presidential aspirant Ferdinand Marcos, Jr., na siya’y dinaya noong halalan sa pagka-bise presidente noong 2016.

Ayon kay Macalintal, tumayong abogado ni Vice President Leni Robredo sa protestang inihain ni Marcos, walang katotohanan at walang batayan ang akusasyon ni Marcos.

“Iyong sinasabi ni Mr. Marcos na nadaya siya noong 2016 at ang pagkakapanalo ng Vice President ay dahil sa daya, iyan po’y walang katotohanan,” wika ni Macalintal.

“Iyang mga statement na iyan ni Mr. Marcos, iyan ang sinasabi nating statement ng mga kandidatong hindi marunong tumanggap ng pagkatalo,” dugtong niya.

Iginiit ni Macalintal na natalo si Marcos sa bilangan ng balota kasunod ng halalan at sa ginawang recount ng bilang bahagi ng kanyang protesta sa Presidential Electoral Tribunal (PET).

Sinabi ni Macalintal, mismong si Marcos ang pumili sa Iloilo, Camarines Sur, at Negros Oriental bilang pilot provinces kung saan nais niyang ma-recount ang mga boto.

“Nang binilang ang mga balota mula sa mga presinto na kanyang iprinotesta, walang nakitang ebidensiya ng pandaraya. Nagtugma ang count ng mga balota roon sa election returns ng automated election,” ani Macalintal.

Ibinasura ng Korte Suprema, tumatayo bilang PET, ang protesta ni Marcos laban kay Robredo noong nakaraang taon.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …