Friday , March 29 2024
Iza Calzado Leni Robredo

Iza kay VP Leni — Tunay na lider, maaasahan may kalamidad man o wala


PINURI  ni Iza Calzado si Vice President Leni Robredo dahil lagi itong naririyan para sa mga Filipino lalo na sa panahon ng krisis.

Ayon kay Iza, dapat piliin ng mga Filipino sa darating na halalan sa Mayo ang lider na gaya ni VP Leni kaysa iba na palaging wala tuwing may kalamidad.

Anang aktres na siyang gaganap na unang Darna sa nalalapit na Darna series, “Kanino ba dapat ipasa ang bato? Sana sa isang taong nagpapakita at nararamdaman, eleksiyon man o hindi. Hanggang sa pinakamalayong kanayunan. Hindi kailangang maging isang superhero, pero sana ‘yung kasama natin sa kahit na anong krisis sa buhay.” 

Bilang isang Bicolana gaya ni VP Leni, iginiit ni Iza na sanay na silang tamaan ng mga bagyo kada taon ngunit nananatili silang matibay, salamat sa mga lider na handang magbigay ng agarang tulong.

Alam niyo ang sikreto ng aming pagiging matibay? Ang pagboto namin sa mga opisyal na mabilis sumaklolo, ‘yung laging may handang plano, at kasama namin sa kahit na anong delubyo,” sambit pa ni Iza.

Idinagdag pa ni Iza na ang totoong lider ay may mabuting puso at dapat magsilbing inspirasyon sa iba na magkaisa at tumulong sa mga taong nangangailangan.

Nagiging inspirasyon siya para totoong lumabas ang pagkakaisa at kabutihan ng mga tao. Nagiging lakas siya para sabay-sabay tayo na hindi lang bumangon, kundi kumilos at tumulong,” wika pa ni Iza.

“‘Yan ang Pilipinas na pangarap ko. ‘Yan ang Pilipinas na masarap mahalin! At alam n’yo naman, in love, there is no fear,” dagdag pa niya.

Sa lahat ng mga kandidato bilang pangulo, sinabi ni Iza na si VP Leni lang ang nagpamalas ng pagmamahal sa bansa at sa mga Filipino, hindi lang sa salita kundi maging sa gawa.

Sa lahat ng tumatakbo, walang nagmamahal sa Filipino gata ng pagmamahal ni Leni Robreso. Si Leni Robredo ang presidente ko,” pagmamalaki pa ni Iza.


Sumama kamakailan si Iza sa campaign rally nina VP Leni sa Davao del Sur na personal niyang nakausap ang Bise Presidente. (MVN)

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …