Thursday , March 28 2024
Leni Robredo Logo Kiko Pangilinan

 Sa bagong campaign logo
BAGONG ROBREDO CAMPAIGN LOGO, MALAKING WELCOME SA LAHAT NG KULAY

“KAHIT ano pa ang kulay mo, kung ikaw ay para sa pag-usad ng ating bansa sa ilalim ng isang gobyernong tapat, welcome ka!”

Ito ang sinabi ni Erin Tañada, senatorial campaign manager ng VP Leni Robredo – Sen.Kiko Pangilinan tandem, matapos ang paglulunsad ng bagong campaign logo na nagdedeklarang hindi na lamang iisa ang kulay nila kundi isa nang rainbow coalition na nagbubuklod sa mga mamamayan ano man ang antas sa buhay.

“Ang mensahe po ng Robredo-Pangilinan campaign team ay simple lamang: lahat ng kulay ay welcome na sa amin. We are all united for love of country and in the belief of a better future under Robredo presidency,” ani Tañada.

Kaya naman aniya, inilabas na ng Robredo campaign team ang isang “multicolored flower” na logo bilang simbolo ng pagkakaisa kahit may pagkakaiba sa ilalim, ng isang tunay na people’s campaign.

Dahil ayon kay Tañada, ito na ang realidad ng walang tigil na paglipat ng mga tao mula sa kampo ng ibang presidentiables patungo sa kampo ni Robredo.

“The big switch to our favor has been going on. At marami pa kaming inaasahang pagsasanib puwersa sa mga susunod na araw bago ang Mayo 9,” dagdag ni Tañada.

Iniuugnay niya ang mga paglipat na ito sa mahusay na “groundwork” ng “happy volunteers” at ang mas maayos na plataporma ni Robredo.

“Kasama na rin diyan ang big crowds. ‘Yung positive vibe is infectious. Kaya pagkatapos ng rally, uuwi sa kanilang pamilya at lugar na may hatid na kuwento ng pag-asa. And this is when conversion begins,” paliwanag ni Tañada.

Isa pang dahilan ay dahil mas nararamdaman ng mga tagasuporta ng ibang kandidato na mas welcome sila sa mga grupong sumusuporta sa Leni-Kiko tandem.

Kasama aniya rito ang pagsama ng mga celebrity sa house-to-house campaign, pati sa mga rally at mga caravan, na buong-buo ang suporta kay Robredo.

“All the stars have come down to VP Leni’s side. But that is just one sector, although visible. Doctors, lawyers, schools, businessmen, laity – the country’s biggest – have also endorsed the Vice President and Senator Kiko,” dagdag ni Tañada. (GINA GARCIA)

About Jaja Garcia

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …