Sunday , May 29 2022
Guillermo Eleazar El Shaddai Walk of Faith

Eleazar lumahok sa El Shaddai Walk of Faith

KAILANGANG makapaghalal  ng mga Filipino ng mga lider na tuwid ang pag-uugali at may takot sa Diyos dahil ang mga katangiang ito ang tiyak na gagabay sa kanila sa pagsulong ng kaunlaran kahit may mga problemang kinakaharap ang bansa, ayon kay senatorial candidate Gen. Guillermo Lorenzo Eleazar.

Ibinigay ni Eleazar ang pahayag, matapos dumalo sa “Walk of Faith” Mass and Healing Rally ng grupong El Shaddai nitong Sabado, 9 Abril.

“Sa panahong sinusubok tayo ng pandemya, kalamidad, gera at iba pa, kailangan natin ng mga lider na matatag, may paninindigan, at may takot sa Diyos. Isang lider na ipaglalaban ang tama at itutuwid ang mga mali. Sa Senado, asahan po ninyo na ako ang magiging tapat na kaagapay ng ating mga kababayan,” aniya.

Sinamahan ni Eleazar si El Shaddai founder Mariano “Brother Mike” Velarde sa aktibidad, kung saan pinagtibay ng pinakamalaking Catholic charismatic group ang suporta sa kandidatura ng retiradong police general.

Nagtipon ang mga pinuno’t kasapi ng El Shaddai sa Philippine International Convention Center (PICC) grounds sa Pasay City dakong 4:00 pm, at doo’y pinahalagahan ni Velarde ang aktibidad.

“Malaya na tayong lumakad ayon sa ating pananampalataya. We walk by faith not by sight. We walk by faith not by feelings. Kaya huwag tayong matatakot sa mga bagay, sa lahat ng salot na darating sapagkat kasama natin ang Diyos,” aniya.

Mula roo’y nagtungo sila sa AMVEL Compound ng Parañaque City at dumating 6:30 pm, bago ipinakilala si Eleazar sa mga lider at kasapi ng El Shaddai.

“Ako po ay nagpapasalamat sa Christian-Muslim Democratic Coalition for supporting me in my candidacy. Ako ay nagpapasalamat sa suportang ibinibigay ninyo sa akin,” ani Eleazar.

“Hayaan ninyong iparating ko sa inyo kung sakali, sa awa ng Diyos, at sa inyong pagtitiwala na ako ay mahalal na manungkulan, lagi po natin itong ibabalik in the glory of God at sa serbisyo sa ating taongbayan,” aniya.

Dinalohan din ni Eleazar ang paglulunsad ng grupo ng statement of solidarity and unity para sa mapayapang halalan ngayong taon.

Sinundan ito ng misa na pinangasiwaan ni Rev. Fr. Sanny de Claro, spiritual director ng El Shaddai DWXI Prayer Partners Fellowship International (PPFI).

Noong 12 Pebrero, inendoso ng El Shaddai ang pagtakbo ni Eleazar bilang senador. Pangunahing layon ni Eleazar sa pagtakbo ang mapagbuti ang peace and order sa bansa para matiyak ang seguridad ng bawat pamilya, at naayon ito sa itinuturo ng El Shaddai na pagbutihin ang lagay ng bawat pamilya upang maibalik ang moralidad sa lipunan. (ALMAR DANGUILAN)

About Almar Danguilan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …