Friday , May 27 2022
G22 VXON

G22, VXON  ‘di nagpahuli sa P-Pop convention

SHOWBIZ KONEK
ni Maricris Valdez Nicasio

SUMALANG noong Sabado at Linggo ang P-Pop Group na G22 at VXON sa katatapos na 2022 P-Pop Convention sa New Frontier Theater at Smart Araneta Coliseum kasama ang mga matagal na at baguhang  P-Pop group mula sa iba’t ibang panig ng bansa.

Para ngang hindi baguhan ang G22 at VXON dahil nakipagsabayan at hindi sila nagpahuli sa mga may pangalan na at sikat nang P-Pop group. 

Kaya naman sobrang saya ng dalawang grupo dahil isa sila sa mga baguhang sumalang sa convention na iyon. Bago ang pagsalang ng dalawang grupo nagpahayag ng kasiyahan ang VXON na binubuo nina C13 (Leader/Main Rapper), Patrick (Main Dancer), Franz (Main Vocals), Sam (Lead Rapper/Lead Vocals), at Vince (Visual/Lead Vocals).  Ganoon din ang pahayag ng G22 na binubuo naman nina AJ (Leader/Main Rapper), Jaz (Main Vocal), Bianca (Main Dancer/Sub-rapper), at Alfea (Visual/Lead Vocal).

“We are very honored and grateful to be surrounded by sucn amazing artists and P-pop idols din po. It’s just so surreal and we’re so thankful,” sambit ni Jaz sa isinagawang media conference noong Huwebes sa B Hotel, Quezon City.

Pag-amin ni Franch, matagal na nilang pangarap na magkaroon ng P-Pop convention tulad ng nangyari noong April 9 at 10 na nagperform sila sa iisang stage kasama ang iba pang P-pop groups.

Aniya, “Finally, ito na, nangyayari na and we’re happy makasama ‘yung iba pang mga P-pop group, our brothers and sisters, in one event.”

Maging si C13 ng VXOn ay excited din. Anang binata, “Yeah, we’re very excited po ’coz this event is one for the books since ito nga po ang first event na magsasama-sama lahat ng P-pop groups and we’re very excited po na makasama ang ibang P-pop groups sa isang stage.”

Matindi ang dinaanan ng dalawang grupo dahil mahigit isang taon silang sinanay na nagkaroon pa ng pagpapalit o pagtanggal sa kanila dahil sobra silang sinala. Kaya naman talagang gustong maraming kapwa ng G22 at VXON ang tagumpay para hindi masayang ang pagod nila at ang tiwalang ibinigay sa kanila ng Cornerstone Entertainment headed na si Erickson Raymundo.

Bukod sa P-Pop Convention na naganap sa New Frontier Theater at Araneta Coliseum, isa rin sila sa nag-concert sa Dubai Expo 2020. Napag-alaman naming pinagkaguluhan din sila roon at naging mainit ang naging pagtangap sa kanila tulad ng ibang P-Pop group.

Samantala, tinaguriang Monster Rookies of P-Pop ang VXON dahil nakapaglabas na sila ng dalawang kanta na pinamagatang The Beast at P.S.

P-Pop’s Newest Caliber naman ang G22 dahil mala-femme fatale ang debut single nilang Bang.

Ang musika ng VXON at G22 ay eksklusibong inilabas, ipinamamahagi, at ipino-produce ng Cornerstone Entertainment.

Sabay na inilunsad ng Cornerstone Entertainment ang VXON at G22. Kapwa gwapo at magaganda ang mga miyembro kaya naman natanong din sila kung gusto ba nilang mag-artista. 

Anila, singing ang priority nila sa ngayon, pero kung darating ang time na mabigyan sila ng pagkakataon na makaarte, susubukan din nila. 

About Maricris Valdez Nicasio

Check Also

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …