Friday , July 18 2025
Joy Belmonte QC Quezon City Jail

‘World class jail’ isinalin ng QC LGU

PORMAL nang isinalin sa Bureau of Jail Management and Penology (BJMP) ng Quezon City local government unit ang pangangalaga sa kauna-unahang “world class” city jail sa bansa, ang Quezon City jail.

Sa ginawang ceremonial turnover kahapon, si Quezon City Mayor Joy Belmonte ang panauhing pandangal.

Sa okasyon, isinalin ni Belmonte ang symbolic golden key kay BJMP Chief, J/Director Allan Iral habang sinaksihan nina BJMP-National Capital Regional Office Chief, J/Chief Supt. Luisito Muñoz at QC Jail Warden, J/Supt. Michelle Ng Bonto.

Bagamat naisalin sa BJMP ang pinakauna-unahang world class city jail sa bansa, sa susunod na taon pa maaaring gamitin o ilipat ang persons deprived of liberty (PDL) mula sa lumang QC Jail na nasa Barangay Kamuning, Quezon City dahil hindi pa tapos ang mga perimeter wall ng piitan sanhi ng kakapusan ng pondo.

Ang budget para sa perimeter wall ay aabot sa P1.4 milyon.

Sa talumpati ni Belmonte, ipinangako niyang sasagutin ng pamahalaang lungsod ang para sa pagpapagawa ng perimeter walls.

Ayon kay Iral, ang bagong city jail ay kasagutan sa matagal nang problema sa sobrang kasikipan ng lumang QC jail na umaabot sa 3,500 ang kasalukuyang nakakulong ngunit nakadisenyo lamang para sa 800 hanggang 1,200 inmates.

Nagsimulang tumaas ang bilang ng inmates sa piitan noong magdeklara ng gera laban sa iegal na droga si Pangulong Rodrigo Duterte.

Ayon kay Iral, ang lupang kinatatayuan ng bagong city jail na may sukat na 2.5 ektarya ay ibinigay ng QC local government unit (LGU) sa ilalim ni dating Qc Mayor Sonny Belmonte. Ginanap ang groundbreaking ceremony, apat na taon nang nakalilipas sa pangunguna ni dating QC mayor Herbert Bautista.

Ang tatlong malalaking gusali ng bagong city jail na may taas na limang palapag ay nagkakahalaga ng P1,397,103,730.56.

Sa nasabing pondo hindi nakasama ang pagpapagawa sa perimeter mall.

Sinabi ni Iral, ang tatlong gusali ay mayroong 440 selda na may sukat na 47 sqm.

“Maiibsan na ang problema sa congestion. Each cell is provided with adequate water, entry of light and areas as per the standard requirement of the International Committee of the Red Cross (ICRC). Sampung (10) inmates ang ilalagay sa bawat selda,” pahayag ni Iral.

Samantala, ayon kay Bonto, ang bagong city jail ay maaaring makakapag-okupa ng 4,400 PDLs na aabot sa 20,880 sqm ang kabuuang bilang ng selda.

Nag-umpisa ang construction ng QCJ facility noong 2018 na nagkakahalaga ng mahigit sa P1.3 bilyon. (ALMAR DANGUILAN)

Krystall Herbal Products and FGO Branches

About Almar Danguilan

Check Also

071825 Hataw Frontpage

Legal adoption at anti-human trafficking nais palakasin
‘BABIES FOR SALE’ ONLINE ISASALANG SA SENADO

ni Niño Aclan “BABIES are not commodities.” Binigyang-diin ito ni Senadora Pia  Cayetano kasabay ng …

Antonio Carpio SC Supreme Court

Dahil sa pagiging co-equal branch of government
SC PINAALALAHANAN NI CARPIO SA PAG-USIG vs MAMBABATAS

PINAGHIHINAY-HINAY ni dating Supreme Court Associate Justice Antonio Carpio ang Korte Suprema kaugnay sa pagkuwestiyon …

Huli sa aktong pagkatay sa sinikwat na motorsiklo lalaki sa Bulacan tiklo

Huli sa aktong pagkatay sa sinikwat na motorsiklo, lalaki sa Bulacan tiklo

DINAKIP ng mga awtoridad ang isang lalaking pinaniniwalaang kabilang sa grupo ng agaw-motorsiklo sa lungsod …

Batangas Money

Batangas SP nananawagan ng pagkakaisa para sa sesyon

NANANAWAGAN ng pagkakaisa ang mga board members at lupon ng Sangguniang Panlalawigan (SP) ng Batangas …

BBM Bongbong Marcos BFP

Para sa State of the Nation Address
MGA BOMBERO KATUWANG SA SEGURIDAD NI PBBM

MAGIGING bahagi ang Bureau of Fire Protection (BFP) para magbigay seguridad  sa ika-4 na State …