Friday , May 27 2022

12 ASO NASAGIP SA DOG MEAT TRADER SA BULACAN

MAHIGIT isang dosenang aso na nakatakdang katayin ang nasagip ng mga awtoridad at volunteers mula sa isang dog meat trader sa isinagawang pagsalakay sa bayan ng San Ildefonso, sa Bulacan kamakalawa.
Ayon sa Animal Kingdom Foundation at CIDG Bulacan, kalunos-lunos ang kalagayan ng mga aso na isinako at handa nang i-deliver sa buyer sa Baguio at Pangasinan para katayin at gawing karne.
Sinabi ni Heidi Caguiao, AKF program director, ang nahuling suspek ay kilalang big-time supplier ng mga aso sa Bulacan.
“Malakihan po talagang mag-supply ang mamang ito. Nakita naman natin sa kanyang lugar na napakarami pong kulungan. Marami po talagang asong nakakalat doon,” aniya.
Ang pagbebenta at pagkain ng karne ng aso ay labag sa batas, sa ilalim ng Animal Welfare Act, ito ay may karampatang parusa na pagkakulong at multa.
Gayonman, pinaniniwalaan ng mga kumakain nito na aphrodisiac ang karne ng aso pero babala ng mga eksperto, hindi ligtas para sa tao ang pagkain nito.
Ayon kay Dr. Rey Del Napoles, AKF animal health partner, biggest risk ng dog meat trading ay rabies transmission at hindi maipagkakaila na 98% ng rabies cases ay nakukuha mula sa aso, at marami nang naidokumentong kaso na nakuha sa pagkain ng karne ng aso.
Dagdag ni Napoles, bukod doon ay puwede rin magkaroon ng bacterial infection, o ng bulate ang mga karneng ito na hindi nainspeksiyon at hindi dumaan sa tamang proseso.
Panawagan ng AKF sa publiko, kaagad ireport sa kanilang tanggapan o i-message sa kanilang Facebook account ang mga insidente ng pananakit, pang-aabuso, pagbebenta o kalupitan sa mga hayop.

About Micka Bautista

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …