Friday , May 27 2022
Angel Locsin Francis Magundayao

Francis ‘Iking’ kay Angel — Superhero ka pa rin sa mata ko, Darna

SHOWBIZ KONEK
ni Maricris Valdez Nicasio

PAGKARAAN ng 17 taon muling nagkita sina Angel Locsin at Francis Magundayao. Nangyari ang pagkikita nina Darna at Iking sa PasigLaban campaign rally nina presidential aspirant Vice President Leni Robredo at ka-tandem nitong si Senator Kiko Pangilinan.

Nagkasama sina Angel at  Francis sa Darna ng GMA 7 noong 2005. Ginampanan ni Angel si Narda/Darna habang si Francis naman ang nakababata niyang kapatid o ang kanyang sidekick.

Sa katuwaan, ipinost ni Francis sa Tiktok ang video ng kanilang pagkikita ng kanyang ate Angel. Ito ‘yung abalang nakikipagkamay si Angel sa ibang supporters ng Leni-Kiko     at sumigaw si Francis ng “Darna!” habang itinuturo sa kanyang likuran ang aktres. May caption itong, “Even after 17 years, superhero ka padin sa mata ko, ate @therealangellocsin #darna”

Sa nasabing video nagpakilala si Francis kay Angel,  “Hello po. Iking.”

Makikita rin sa video ang hawak-hawak na plakard ng aktres na may nakasulat na “Ma’am Leni, sa’yo na ang bato.” Ito ang batong isinusubo ni Narda para maging Darna.

Nagkomento naman si Angel ng, “Nice to see you my iking! [pink heart emoji]”

at sinagot ito ng binata ng “ate [crying emoji] salamat sa lahat ng pinaglalaban mo [heart emoji]”

Nag-post din si Angel sa kanyang Instagram story ng kanilang video ni Francis at may nakasulat na,m “Darna fans! Reunited with my Iking sa Darna!!! Labyu!”

Nag-post pa ng throwback photo si Angel kasama si Francis bilang Darna at  Iking na mula sa post ng isa sa kanyang fans.

Bukod sa  Darna, nagkatrabaho rin sina Angel at  Francis sa iba pang show sa GMA. Ito ang Asian Treasures noong 2007.

Bukod kina Angel at Francis, dumalo rin at nagbigay ng suporta sa Leni-Kiko PasigLaban campaign rally sina Jake Ejercito, Ben & Ben, Melai Cantiveros, Julia Barretto, Robi Domingo, Ebe Dancel, Elijah Canlas, Kokoy de Santos, at Donny Pangilinan.

About Maricris Valdez Nicasio

Check Also

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …

Lance Raymundo, Chotto Matte Kudasai

Lance handang mag-frontal sa pelikula

MATABILni John Fontanilla HANDANG tumodo sa pagpapa-sexy si Lance Raymundo sa pelikula. Tsika ni Lance nang makausap …