Saturday , May 28 2022
Shernee Tan-Tambut Marjani John Tambut

Kusug Tausug, nangampanya sa Pampanga at NCR Muslim area

DALAWANG magkasunod na araw ang ginawang pangangampanya ng Kusug Tausug party list sa mga lugar na tinitirhan ng mga Muslim sa Pampanga, gayundin sa mga imam at ilang lider Kristiyano sa Kamaynilaan.

Pinuntahan ni Kusug Tausug first nominee Representative Shernee Tan-Tanbut ang komunidad ng mga Muslim sa barangay Sto. Niño at San Rafael sa Guagua, Pampanga at mga lider-Muslim sa Arayat sa naturang lalawigan noong 4 Marso.

Ang makasaysayang bayan ng Guagua ay nagsilbing tahanan ng libo-libong Muslim na lumipat dito mula sa Mindanao habang maraming pamilya ng mga Mulsim ang naninirahan sa Munisipalidad ng Arayat. Inilahad sa kanila ng Kusug Tausug party list ang kanilang layunin ng malawakang pag-unlad.

Hinimok ni Cong. Tan-Tanbut ang mga kapwa niya Muslim na tulungan siyang maparami ang kinatawan ng mga Muslim sa kongreso. Binanggit niya kung paano nakatulong at nakapag-ambag ang mga Muslim sa paglago ng kabuhayan sa pinirmihang bayan kasabay ng paghimok na ipagpatuloy ang magagandang gawain bilang mga produktibong mamamayan ng Pampanga.

Nauna rito’y sinaksihan ni Cong. Tan-Tanbut ang paglagda sa isang Peace Covenant na itinaguyod ng COMELEC at pagbigkis ng Integrity Pledge ng lahat ng kandidato sa lalawigan ng Pampanga na ginanap sa San Fernando City bago siya tumuloy sa Muslim Center ng Barangay San Pedro, sa naturang lungsod.

Dumalo sa impormal na pagpupulong sa Arayat ang alkalde ng naturang bayan na si Mayor Emmanuel Bon Alehandrito at kandidato sa pagla-alkalde na si Madeth “Madir” Alejandrino, na kapwa tumatakbo sa lokal na partidong Kambilan.

Kinabukasan, dumalo si Cong. Shernee Tan-Tambut sa konsultasyon ng mga purok lider ng Munisipalidad ng Lubao, Pampanga na inorganisa ni Pampanga Vice Governnor Lilia “Nanay” Pineda. Matapos ang kaganapan, nagtungo sa interfaith meeting sa Quezon City sa pagitan ng mga Muslim ulamas ng National Capital Region at lider-Kristiyano ng Metro Manila.

Sinamahan si Cong. Shernee sa kanyang pagbisita sa Pampanga at Quezon City ng kanyang asawang si Capt. Marjani “John” Tambut.

Sina Cong. Tan-Tambut at kanyang asawa ay inilibot sa Pampanga ni dating Pangulo at Speaker of the House of Representatives Gloria Macapagal-Arroyo na tumatakbong walang katunggali bilang kinatawan sa ikalawang distrito ng Pampanga na sumasakop sa anim na bayan, kabilang rito ang Lubao at Guagua.

About hataw tabloid

Check Also

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …

Vice Ganda

Nasaan na nga ba si Vice Ganda?

HEY! Hey! Hey! What happened na sa mga artistang sumampa sa entablado with matching grand …

Mercraft 2 RORO fire Real Quezon

Sa Real, Quezon
7 PATAY, 23 SUGATAN SA NASUNOG NA RORO

PITONG pasahero ang namatay habang 23 ang sugatan nang masunog ang Mercraft 2, isang roll-on-roll-off …

Senate Congress Comelec Election Certificates of Canvass

NBoC panel sa senado kompleto na

BUO na ang hanay ng mga senador para sa pitong-miyembrong panel ng bicameral National Board …