Kathryn ultimate crush ng newbie actor

MATABIL
ni John Fontanilla

ANG Kapamilya actress na si Kathryn Bernardo ang ultimate crush ng  tall, dark and handsome na  model at newbie actor na si Ernie Castro. Gusto rin niyang makatrabaho ang aktres.

Anang 22 years old na si Ernie, “Gusto ko pong makatrabaho si  Kathryn Bernardo  since she’s my ultimate crush noon pa man, bukod pa sa ‘di naman po nalalayo ‘yung age namin and napakagaling niyang artista.

“Sa lalaki naman po, ang gusto kong makatrabaho si Donny Pangilinan kasi po I can see myself to his personality including the way he interact with people, halos parehong-pareho kami and isa Rin siya sa nakikita ko sa showbiz na sobrang talented.”

At habang naghihintay ng  acting projects ay abala si Ernie bilang Bigo host streamer, ramp, print, at commercial model.

“Habang naghihintay po ako ng tv or movie projects isa po ako sa ‘BIGO’ host streamer ng tropical talent agency.  Isa rin po akong model sa SMMA prime agency at naging part din ako ng Mode of Elle, at ng Aspire Magazine for 2021.”

At kung mabibigyan siya ng proyekto,  gusto niya ng drama pero gusto rin niyang subukan ang komedi at aksiyon.

“I am more likely into drama po since I used to be a theater actor in a glee club in my previous university, pero I’m willing to try comedy and action if given a chance,”  pagtatapos ni Ernie.