Saturday , May 28 2022

Operasyon kontra sugal ikinasa sa Laguna 48 sabungero arestado

SA ULAT ni Laguna PPO Director, P/Col. Rogarth Campo, nagsagawa ng operasyon ang mga operatiba ng pulisya laban sa ilegal na sugal na nagresulta sa pagkakadakip sa 48 kataong naaktohan sa tupadahan nitong Sabado, 26 Pebrero, sa lalawigan ng Laguna.

Ayon sa isang impormante sa Laguna PPO, mayroong nangyayaring tupada sa Purok 1, Sitio Kabaritan, Brgy. Sto. Domingo, sa bayan ng Bay.

Agad nagkasa ng operasyon ang mga operatiba ng Provincial Special Operation Unit sa pamumuno ni P/Maj. Jose Tucio kasama ang Bay MPS na nagresulta sa pagkaaresto ng 44 indibiduwal na naaktohang nagsusugal sa tupada.

Samantala, nasukol ng Sta. Rosa CPS sa pamumuno ni P/Lt. Col. Paulito Sabulao, ang apat na suspek na naaktohan sa isang bakanteng lote sa Progressive Subd., Brgy. Tagapo, lungsod ng sta. Rosa.

Sa kabuuan, aabot sa 48 suspek ang naaresto sa isinagawang isang araw na anti-illegal gambling operation ng Laguna PNP.

Nakompiska mula sa mga naaresto ang apat na buhay na panabong na manok, walong patay na manok, apat na tari, at P38,970 kabuuang halaga ng nakompiskang pera.

Binasahan ng kanilang mga karapatan at kasalukuyang nasa piitan ng estasyon ng pulisya ang mga suspek na nakatakdang sampahan ng kasong paglabag sa PD 1602 sa prosecutor’s office. (BOY PALATINO)

About Boy Palatino

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …