Saturday , May 28 2022
QC quezon city

3 salvage victims itinapon sa Kyusi

TATLONG hindi kilalang mga lalaki, pawang may tama ng mga saksak sa katawan at marka ng pagsakal sa leeg na hinihinalang biktima ng summary execution ang natagpuan sa magkahiwalay na lugar sa Quezon City, nitong Biyernes ng madaling araw.

Inilarawan ni Quezon City Police District (QCPD) Director P/BGen. Remus Medina ang unang natagpuang bangkay, nasa edad 30-35 anyos, may taas na 5’1 nakasuot ng black T-shirt na may naka-print na MACBETH, nakamaong na pantalon, nakasuot ng gray rubber shoes at itim na medyas; habang ang ikalawa ay nakasuot ng gray polo shirt, black pants, tsinelas; at ang pangatlo ay nakasuot ng puting t-shirt, maong pants, at puting rubber shoes.

Sa report ni P/Cpl. Jerome Mendez ng Criminal Investigation and Detection Unit ng QCPD, unang natagpuan ang bangkay ng biktima bandang 1:00 am nitong 25 Pebrero, sa 11th St., sa kanto ng Broadway Ave., Brgy. Mariana, New Manila, QC, na may saksak sa kaliwang dibdib at may laslas sa kanang pulso.

Bandang 1:43 am, 25 Pebrer0, ay natagpuan ang sinasabing salvage victims na kapwa duguang nakahandusay sa bangketa ng Malasimbo St., Brgy. Masambong, at kapwa may marka nang pagkakasakal sa leeg at mga saksak ng patalim sa dibdib.

Nasa tabi ng mga bangkay ang dalawang cardboard na may nakasulat na “MANDURUKOT HUWAG TULARAN.”

Hinala ng mga awtoridad, posibleng pinatay sa ibang lugar ang mga biktima at saka itinapon sa nasabing barangay.

Nagsasagawa ng masusing imbestigasyon ang mga awtoridad sa motibo upang makilala ang mga salarin. (ALMAR DANGUILAN)

About Almar Danguilan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …