Wednesday , May 25 2022
Bulacan Police PNP

Serye ng anti-crime operations inilatag 17 pasaway kinalawit ng Bulacan PNP

SA KABILA ng mahigpit na pagpapatupad ng health protocols ng Bulacan PNP upang mapigilan ang pagsirit ng mga kaso ng CoVid-19, patuloy ang mga operasyong ikinakasa ng mga awtoridad upang masakote ang mga pasaway sa batas.

Sa ulat na ipinadala nitong Lunes, 21 Pebrero, kay P/Col. Rommel Ochave, acting provincial director ng Bulacan PPO, unang inaresto ang 11 sugarol sa ikinasang anti-illegal gambling operations ng mga operatiba ng mga police stations ng Bocaue, Norzagaray, at Meycauayan, 2nd Provincial Mobile Force Company (PMFC), at 301st MC RMFB3.

Naaktohan ang mga suspek na nagtutupada, at nagsusugal ng tong-its at cara y cruz, na nakompiskahan ng mga manok na panabong, tari, mga baraha, at perang taya sa iba’t ibang denominasyon.

Kasunod nito, nadakip ang tatlong indibiduwal kabilang ang isang CICL (child in conflict with the law) sa mga insidente ng krimen na naganap sa mga bayan ng Calumpit at Pandi.

Kinilala ang mga nadakip na suspek na sina Jayson Parungao ng Brgy. Siling Bata, Pandi; Mark Mamaril ng Brgy. Dampol II, Pulilan, kapwa inaresto sa kasong Acts of Lasciviousness kaugnay ng RA 7610 (Child Abuse Law); at isang 15-anyos binatilyo sa paglabag sa RA 8353 (Anti-Rape Law).

Gayondin, dinampot ang dalawang lalaki dahil sa paglabag sa RA 10883 (New Anti-Carnapping Act) na kinilalang sina Mark Orteza, alyas Toy, ng lungsod ng Pasig; at Christian Joseph David, alyas CJ, ng Brgy. Bagong Pag-asa, Obando sa entrapment operation na ikinasa ng magkasanib ng mga tauhan ng Calumpit MPS at PHPT Bulacan.

Samantala, nagkasa ng search warrant operation sa Brgy. Pandayan, Meycauayan ang mga tauhan ng Meycauayan CPS na nagresulta sa pagkakasamsam ng isang kalibre .38 revolver at dalawang cartridge nito.

Nasukol rin ang isang lalaking matagal nang nagtatago sa batas na kinilalang si Resty Garcia sa inilatag na manhunt operation ng mga tauhan ng Balagtas MPS para sa krimeng Falsification by Private Individuals at paggamit ng falsified documents. (MICKA BAUTISTA)

About Micka Bautista

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …