Saturday , May 28 2022
Gun Fire

Sa Navotas
MANGINGISDA, ESTUDYANTE, SUGATAN SA PAMAMARIL

SUGATAN ang isang mangingisda nang pagbabarilin ng hindi kilalang suspek habang tinamaan ng ligaw na bala ang 18-anyos babaeng estudyante sa Navotas City, kamakalawa ng gabi.

Kapwa nasa ligtas na kalagayan sa Navotas City Hospital (NCH) ang mga biktimang sina John Jimenez, 19 anyos, residente sa E. Nadela St., Brgy. Tangos, tinamaan ng bala sa kaliwang bahagi ng dibdib; at Rhealyn Cahutay, estudyante, residente sa A. Cruz St., sa naturang barangay na nahagip ng ligaw na bala sa kaliwang balikat.

Sa ipinarating na ulat ni P/SSgt. Levi Salazar kay Navotas City police chief P/Col. Dexter Ollaging, dakong 7:30 pm nang maganap ang insidente sa kahabaan ng Roldan St., Brgy. Tangos South.

Naglalakad ang biktimang si Jimenez nang tutukan ng baril ng nakasalubong na lalaki.

Dahil sa takot, kumaripas ng takbo ang biktima ngunit hinabol siya at sunod-sunod na pinaputukan hanggang mahagip sa kaliwang dibdib.

Matapos ang insidente, mabilis na tumakas ang suspek habang nasaksihan ni Cahutay ang pangyayari na nagkataong naglalakad din sa naturang lugar patungo sa isang tindahan hanggang mamalayan niyang may tama rin siya ng bala sa kaliwang balikat.

Sa pagsisiyast ng pulisya, wala silang nakitang basyo ng bala sa lugar na pinangyarihan ng pamamaril at wala rin mga nakakabit na surveillance camera na maaaring makatulong sa pagkakakilanlan ng suspek.

Inaalam ng pulisya ang motibo sa pamamaril habang patuloy na isinasagawang follow-up operation ng pulisya para sa posibleng pagkakakilanlan at pagkakadakip ng suspek. (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …