Thursday , March 28 2024
shabu drug arrest

Sa P.2-M shabu
LOLA TULAK, LOLO USER 4 PA KALABOSO

MAHIGIT sa P.2 milyon halaga ng shabu ang nasabat sa anim na bagong identified drug personalities (IDPs), kabilang ang tulak na lola at isang user na lolo matapos maaresto sa isinagawang magkakahiwalay na buy bust operation ng pulisya sa Malabon City.

Ayon kay Malabon City police chief, Col. Albert Barot, dakong 11:30 pm nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni P/Lt. Alexander Dela Cruz ng buy bust operation sa Lapu-Lapu Avenue cor. Dalagang Bukid St., Brgy. Longos.

Matapos makatanggap ng impormasyon tungkol sa pagbebenta ng shabu ni Lorena Estavillo, alyas Daisy, 63-anyos lola ng Navotas City ay agad isinagawa ang buy bust operation.

Walang kamalay-malay ang suspek na si Estavillo at ang kanyang kasabwat na si Arjay Ungui, alyas RJ, 28 anyos, isang posuer buyer na pulis ang kanilang ka-deal at dahil sa halagang P500 marked money kapalit ng isang plastic sachet ng shabu ay agad silang inaresto ng mga operatiba.

Kasamang dinakma ng mga operatiba ang tatlong parokyano ng dalawang suspek na kinilalang sina Reynaldo Castillo, 41 anyos, Albert Desabille, 39 anyos, at Zaldy Manio, 61 anyos, nakuhaan din ng tig-isang transparent plastic sachet ng hinihinalang shabu.

Ani P/SSgt. Jerry Basungit, tinatayang nasa 29 grams ng hinihinalang shabu, may Standard Drug Price na P197,200 ang narekober ng mga operatiba sa mga suspek, kasama ang marked money.

Dakong 2:00 am nang matimbog din ng mga operatiba ng SDEU sa buy bust operation sa Rizal Ave. Extension, Brgy.Tañong si Pol Bryan De Jesus, 35 anyos, nakuhaan ng walong gramo ng hinihinalang shabu, may standard drug price na P54,400 at P500 buy bust money.

Mahaharap ang mga naarestong suspek sa kasong paglabag sa RA 9165 o ang Comprehensive Dangerous Drug Act of 2002. (ROMMEL SALES)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …