Friday , March 29 2024
Ping lacson Vic Sotto Tito Sotto

Vic buong-buo ang suporta sa Lacson-Sotto Tandem

LUBOS ang paghanga ni Vic Sotto sa tandem nina Partido Reporma standard-bearer Sen. Panfilo “Ping” M. Lacson at ng vice presidential bet nito na si Senate President Vicente “Tito” Sotto III kaya naman inihayag niya ang solidong suporta sa mga ito na tatakbo bilang Presidente at Bise-Presidente.

Bilib si Vic sa integridad, katapangan at malinis na track record sa serbisyo publiko sa nakaraang limang dekada ni Ping.

Siyempre ang iboboto natin, walang iba kundi ang aking hinahangaang senador, si Senator Ping Lacson,” sambit ni Bossing Vic sa isinagawang proclamation rally ng Lacson-Sotto tandem kamakailan.

Ako ay hanga sa katapatan nitong taong ito – katapatan sa pagbibigay ng serbisyong publiko. Nakita natin ‘yan sa record niya. At pagdating sa katapangan ‘di mo matatawaran. Kabitenyo, eh. Katapangan para labanan ang mga tiwali sa gobyerno, para labanan ang korapsyon sa gobyerno,” giit pa ni Vic.

Para kay Lacson diin ang pagsisilbi sa Malacañang ay isang serbisyo sa publiko na ang mga lider ay hindi dapat na ituring na “master” kundi isang tao na dapat naninilbihan sa taumbayan.

Inihayag din ni Vic  ang buong suporta sa pagtakbo ng kanyang kapatid na si Tito. “Siya ang makatutulong ng ating Pangulong Ping para ayusin ang gobyerno, ayusin ang buhay nating lahat.”

Matapos magsalita ni Vic, itinaas nito ang mga kamay nina Lacson-Sotto bilang simbolo ng pagsuporta. 

Samantala, kasama rin sa mga Dabarkads na pumunta sa rally sina Jose Manalo at Wally Bayola gayundin ang basketball superstar at asawa ni  Danica na si Marc Pingris.

Sa kabilang banda, tiniyak ni Lacson na inobserbahan ang mandatory health protocol at physical distancing sa lahat ng mga dumalo sa proclamation rally, alinsunod sa polisiya niya para sa isang disiplinadong pangangampanya.

Sa kanyang talumpati, binigyang diin muli ni Lacson ang kanyang pangako na “Aayusin ang Gobyerno, Aayusin ang Buhay ng Bawat Pilipino” at ang pagpapanagot sa mga tiwali sa gobyerno (“Uubusin ang Magnanakaw”).

Paalala ni Lacson sa taumbayan, maging matalino at mapanuri sa pagpili ng mga susunod na lider ng bansa.

Giit ng presidential aspirant sa kanyang mga kapwa Caviteño, mamumuno siya nang may disiplina at katapatan sa kanyang tungkulin.

Ako po ay humaharap sa inyo bilang isang kababayan, lehitimong taga-Imus, lehitimong taga-Cavite. Kapag ako ay pinagpala na maglingkod, hinding-hindi ko kayo ipahihiya. Hinding-hindi ko kayo bibiguin!” ani Lacson. (MVN)

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …