Saturday , May 28 2022
Bongbong Marcos BBM

SA DQ case ni Marcos Jr.,
HINDI PA TAPOS ANG LABAN — PETITIONERS

ni ROSE NOVENARIO

WALA pang dahilan para magdiwang ang kampo ng anak ng diktador at presidential aspirant Ferdinand Marcos, Jr., sa pagbasura ng Commission on Elections (Comelec) First Division ng consolidated disqualification petitions laban sa kanya.

“We will appeal to the Comelec en banc and pursue this case to the very end,” sabi ni Perci Cendaña, nominee ng petitioner Akbayan party-list, sa isang kalatas kagabi.

Sa isang paskil sa social media kagabi, inihayag ni Comelec spokesperson James Jimenez ang pasya ng First Division.

“The consolidated petitions of Ilagan v. Marcos, Jr., Akbayan v. Marcos Jr., and Mangelen v. Marcos Jr. have been dismissed for lack of merit, by the COMELEC’s 1st Division,” sabi ni Jimenez sa isang tweet.

Batay sa hatol ng Comelec First Division na nilagdaan nina Commissioners Aimee Ferolino at Marlon Casquejo, kapos sa merito ang inihaing petisyon laban sa kadidatura ni Marcos, Jr., sa pagka-presidente sa 2022 elections.

Base sa desisyon, hindi kasama sa hatol ng Court of Appeals ang accessory penalty na perpetual disqualification from holding public office sa hatol na pagkabilanggo ng 18 buwan sa kasong pagkabigo ni Marcos, Jr., na magbayad ng income tax return sa loob ng apat na taon.

Hindi rin naniniwala ang First Division na crime of moral turpitude ang hindi pagpa-file ng income tax return ni Marcos, Jr.

Ayon sa Akbayan, hindi maiiwasan na pagdudahan ang integridad nina Ferolino at Casquejo, kapwa Duterte appointees lalo na’t nauna nang isiniwalat ni retired Comelec Commissioner Rowena Guanzon na sinadyang iantala ang paglalabas ng desisyon hanggang siya’y magretiro para hindi mabilang ang kanyang boto na pabor sa diskalipikasyon ni Marcos, Jr.

Ibinulgar din ni Guanzon na isang senador na malapit kay Pangulong Rodrigo Duterte ang nag-impluwensiya kay Ferolino, ang ponente ng desisyon.

Bukod sa Akbayan, inaasahang aapela sa Comelec en banc ang petitioners din na Campaign Against the Return of the Marcoses (CARMMA) at si Martial Law survivor Bonifacio Ilagan.

About Rose Novenario

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …