Saturday , July 13 2024
Arrest Posas Handcuff

Sa Angeles City, Pampanga
4 NAGPAPAKALAT NG PEKENG PERA NASAKOTE NG NBI

ARESTADO ang apat kataong pinaniniwalaang nagpapakalat ng mga pekeng pera sa ikinasang operasyon ng National Bureau of Investigation-Special Action Unit (NBI-SAU) sa lungsod ng Angeles, lalawigan ng Pampanga.

Sa pahayag na inilabas ng ahensiya nitong Martes, 2 Pebrero, kinilala ni NBI OIC Director Eric Distor ang mga suspek na sina Joeylyn Castro, Virgilio Yalung, Zenia Andres, at Marilyn Lucero.

Nabatid na unang nakipag-ugnayan ang NBI sa Payments and Currency Investigation Group, Office of the Assistant Governor, Payments and Currency Development Sub-Sector, Bangko Sentral ng Pilipinas (BSP) at sa lokal na awtoridad upang mahuli ang mga suspek.

Nagtungo sa isang money changer sina Yalung at Castro ngunit hindi pinalitan ang dala nilang dolyar dahil peke at sa pagkakataong ito ay nilapitan na sila ng mga awtoridad at inaresto.

Nakompiska mula sa kanila ang 78 piraso ng pekeng US dollar bills na may iba’t ibang serial numbers.

Matapos ituro nina Castro at Yalung ang pinanggagalingan ng mga pekeng dolyar, agad nagsagawa ng follow-up operation ang NBI hanggang matimbog sina Andres at Lucero sa Bamban, Tarlac.

Kasalukuyan nang nakadetine ang mga suspek na nahaharap sa kasong Illegal Possession, at Use of False Treasury o Bank Notes. (MICKA BAUTISTA)

About Micka Bautista

Check Also

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …

Online Sexual Exploitation of Children OSEC

4-anyos nene nangapitbahay, minolestiya ng apat na totoy

NAHAHARAP sa krisis ang pamilya ng isang 4-anyos nene na biktima ng pangmomolestiya ng apat …