Saturday , May 28 2022
prison rape

Rapist ng Tacloban timbog Bulacan

NADAKIP ng mga awtoridad sa lungsod ng Malolos, sa lalawigan ng Bulacan ang isang lalaking may kinahaharap na reklamong panggagahasa sa menor de edad niyang nobya sa lungsod ng Tacloban, lalawigan ng Leyte.

Sa ulat na ipinadala kay P/Col. Rommel Ochave, Bulacan police director, kinilala ang suspek na si Raymart Adolfo, 23 anyos, isang bartender.

Nadakip ang suspek ng pinagsanib na puwersa ng city police station (CPS) ng Tacloban at Malolos, matapos gamitin ng mga awtoridad bilang pain ang babaeng nakilala at nakausap sa social media.

Dinakip si Adolfo sa bisa ng warrant of arrest na inilabas ng Tacloban Regional Trial Court kaugnay sa tatlong bilang ng kasong rape sa menor de edad niyang nobya.

Ayon kay P/Lt. Barry Baluyot, tracker team head ng TCPO, naganap ang panghahalay noong 2016, nang pagbantaan ng suspek ang biktima na ibubulgar niya sa mga magulang ang nangyari sa kanila kung hindi siya papayag na makipagtalik muli.

Pumapayag ang menor de edad dahil sa takot at may mga pagkakataon pang binibigyan ni Adolfo ang biktima ng softdrinks at pagkain na may pampahilo.

Nang sampahan ng kaso, nakarating ng Bulacan ang suspek mula Eastern Visayas upang magtago hanggang matunton ng pulisya ang kanyang kinaroroonan.

“Base sa aming intelligence information, mahilig siyang makipag-date, makipagkaibigan sa mga babae through social media or other platforms. Kaya naniniwala kami sa pamamagitan noon, makukuha namin ‘yung whereabouts nitong suspek na ito,” ani Baluyot.

Agad ibabalik sa Tacloban si Adolfo upang humarap sa korte kapag nakompleto na ang travel requirements kaugnay ng CoVid-19 pandemic. (MICKA BAUTISTA)

About Micka Bautista

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …