Monday , July 22 2024
road traffic accident

Tricycle sinalpok ng van; Ginang patay, 3 sugatan

BINAWIAN ng buhay ang isang ginang nang banggain ng isang van ang sinasakyang tricycle ng kanyang pamilya sa lungsod ng San Jose, lalawigan ng  Nueva Ecija, nitong Lunes, 17 Enero 2022.

Sa ulat mula sa San Jose CPS, kinilala ang biktimang si Anita Ecleo, 53 anyos, samantala sugatan ang kaniyang mister na si Joseph, pati ang isa nilang anak at isa pang kasama.

Batay sa kuha ng CCTV camera na hawak ng pulisya, nakitang tumawid sa intersection ng Maharlika Highway ang tricycle na minamaneho ni Joseph nang bigla silang salpukin ng humaharurot na van.

Sa lakas ng pagkakabangga, tumilapon ang tricycle, pero hindi nakita sa CCTV na tumilapon din palabas ang mga sakay nito.

Ayon sa isang anak ng biktima na si Honie, pauwi ang kaniyang mga magulang at kapatid nang mangyari ang insidente.

“Dadaan lang, bibili ng tinapay. ‘Yung truck napalampas pa nila, nalingon ni Papa sa kaliwa, sa kanan nakita naman niyang malayo pa ang van. Hindi naman niya sukat akalain na maabutan pa sila ng van,” kuwento niya.

Sa paunang imbestigasyon ng pulisya, lumalabas na parehong hindi nag-menor ang dalawang sasakyan sa naturang crossing.

“Approaching main road, dapat titingnan niya muna bago siya mag-proceed. ‘Yung driver ng tricycle ay PWD, iisa ‘yung mata. Tapos may edad na rin si Tatay. Matulin din ‘yung van, ‘yon lang ang isang pagkakamali  ng van,” pahayag ni P/Cpl. Jefferson Cantor, imbestigador ng San Jose CPS.

Bukod sa pagkakaroon ng kapansanan sa mata, napag-alaman na wala rin pinanghahawakang lisensiya ang driver na PWD.

Samantala, pansamantalang nakalaya ang driver ng van matapos magbigay ng inisyal na tulong pinansiyal at nangakong tutulong sa gastusin sa pagpapalibing sa namatay na ginang. (MICKA BAUTISTA)

About Micka Bautista

Check Also

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Bongbong Marcos BBM with senators

Senators handa nang makinig sa 3rd ikatlong sona ni PBBM

HANDA ang mga senador na makinig sa ikatlong State of the Nation Address (SONA) ni …

072224 Hataw Frontpage

Para sa ekonomiya, kalusugan, edukasyon, at impraestruktura
BAGONG BATAS ITUTULAK NI PBBM SA SONA

UMAASA si House Speaker Ferdinand Martin Romualdez na hihirit ang Pangulong Ferdinand Marcos, Jr., ng …

072224 Hataw Frontpage

POGOs ‘pag nilusaw 25,064 Pinoy workers dapat protektado

SINABI ni Senador Win Gatchalian dapat maglagay ng safety nets para sa mga manggagawang Filipino …