Sunday , May 29 2022
shabu drug arrest

5 tulak tiklo sa bitag ng Bulacan police

NAGWAKAS ang maliligayang sandali ng limang pinaniniwalaang mga talamak na tulak ng ilegal na droga nang mahulog sa mga ikinasang patibong ng pulisya sa lalawigan ng Bulacan, nitong Lunes, 17 Enero 2022.

Sa ulat na ipinadala kay P/Col. Rommel Ochave, acting provincial director ng Bulacan PNP, nsakote ang limang suspek sa ikinasang bitag laban kanila ng mga operatiba ng Station Drug Enforcement Unit (SDEU) ng mga police stations ng Bocaue, Malolos, at San Miguel. 

Kinilala ang mga suspek na sina Randolf Sabanal, alyas Weweng, ng Brgy. Tibagan, San Miguel; Richard Cahilig, alyas Pilay, at Joselito Legaspi, kapwa mula sa Brgy. Caingin, Bocaue; Girlie Santiago ng Brgy. Panasahan, Malolos; at Rodolfo Paraiso ng Brgy. Sto. Rosario, Malolos. 

Nakompiska mula sa mga suspek ang 19 pakete ng hinihinalang shabu, cellphone, pouch, at buy bust money na ginamit na patibong sa operasyon.

Dinala ang mga nasakoteng suspek at nakompiskang mga ebidensiya sa Bulacan Forensic Unit para sa drug test at laboratory examination.

Ayon kay Ochave, patuloy na tutugisin ng Bulacan police ang mga personalidad na sangkot sa ilegal na droga upang mailayo ang mga kabataan na malulong sa masamang bisyo. (MICKA BAUTISTA) 

About Micka Bautista

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …