Tuesday , July 23 2024
Senate Philippines

Simula ngayong araw
TOTAL LOCKDOWN SA SENATE BUILDING

SIMULA 10 Enero 2022, isasailalim sa total lock­down ang mismong gusali ng senado, kaya na­ngangahulugang ‘walang pasok’ ang mga empleya­do mula ngayong araw hanggang 16 Enero 2022.

Ang kautusan na ipasara ang gusali ng senado ay mula kay Senate President Vicente “Tito” Sotto III, matapos mabataid na 46 emple­yado ang nagpo­sitibo sa CoVid-19 samantala 175 empleyado ang nasa quarantine restrictions.

Mismong ang pamu­nuan ng Senate Medical and Dental Bureau ang nagbigay ng rekomen­dasyon kay Sotto, kaya agad tinugunan. 

Bukod sa pagsasara ng senado, isasailalim ito sa disinfection upang matiyak na walang kontaminasyon ng virus ang loob ng gusali bago tuluyang pabalikin ang mga empleyado.

Inaasahang sa pag­babalik ng sesyon sa 17 Enero 2022, malinis at nabigyan ng sapat na pro­teksiyon ang mga papa­sok lalo ang mga senador na dadalo sa sesyong pisikal.

Bago ito mangyari, binalak ng pamunuan ng senado na ibalik ang regular na pasok dahil sa pagbaba ng bilang CoVid-19 infected ngunit dahil sa panibagong numero at bilang ay nagbago ang lahat.

Pinaalalahanan ni Senate Secretary Atty. Myra Marir Villarica ang lahat ng mga kawani ng senado na papasok  sa Lunes, 17 Enero, ay kailangang sumunod   sa mga safety protocols.

Iginiit ni Villarica, kailangang nakasuot pa rin ng face mask, daraan sa temperature check, mag-alcohol at maghugas ng kamay tuwina at panatilihin ang social distancing.

Binigyang-linaw ni Villarica sa lahat, walang sinoman ang maaaring mangalaga ng kanilang mga sarili kundi ang kanilang sarili rin. 

 (NIÑO ACLAN)

About Niño Aclan

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …