Monday , July 22 2024
prison

Pinakamatagal nakulong na political prisoner, laya na

MATAPOS mapiit sa loob ng 32 taon, nakalaya na si Juanito Itaas, ang itinutu­ring na pinakamatagal na nakulong na political prisoner, nitong Biyernes, 7 Enero.

Ayon sa Kapatid, isang organisasyong sumu­suporta sa mga pamilya at mga kaibigan ng mga bilang­gong politikal, pinalaya na noong Biyernes ang 57-anyos na si Itaas mula sa New Bilibid Prison (NBP), sa lungsod ng Muntinlupa.

Ipinagkaloob ni Judge Gener Gito ng Muntinlupa Regional Trial Court ang kautusang may petsang 8 Nobyembre 2021, pabor sa habeas corpus na na inihain ng anak ni Itaas na si Jarel.

Ayon kay Gito, maka­lalaya si Itaas dahil sa mga GCTA (good conduct time allowance) credits na kanyang nakuha mula sa 32-taong pagka­kakulong.

Pahayag ni Fides Lim, tagapagsalita ng Kapatid, pinapurihan nila ang desisyon ng hukuman at umaasang pangunguna­han nito ang mga pag­papalaya ng iba pang mga bilanggong politikal na nakulong dahil sa mga gawa-gawang kaso bilang paghihiganti sa kanilang aktibismo o maging fall guy para sisihin sa mga operasyon ng NPA.

Dagdag ng grupo, hinihiniling nila sa pama­halaan na hayaag mamu­hay nang mapayapa si Juanito Itaas at walang banta sa kanyang segure­dad kasama ang kanyang pamilya, dahil ito ang unang pagkakataong maka­pagsisimula silang mamuhay nang normal sa labas ng piitan.

Samantala, naghain ang Office of the Solicitor General ng motion for reconsideration para sa pagpapalaya kay Itaas.

Ani Lim, nabuno na ni Itaas ang kaniyang senten­siya at wala nang dahilan upang tumagal ang kan­yang pananatili sa kulu­ngan o gipitin siya sa pamamagitan ng mga inihahaing mosyon ng Solicitor General.

Inaresro si Itaas noong 27 Agosto, 1989, dahil umano sa pamamaslang kay Col. James Rowe ng US Army sa lungsod Quezon.

Pinatawan si Itaas ng 39 taon at anim na buwang pagkakabilanggo noong siya ay 25 anyos.

Sa kabila nito, ikinasal siya sa loob ng piitan, at nagkaroon ng tatlong anak na nabuo sa panahon ng conjugal visits ng kanyang asawa sa NBP, ayon sa Kapatid.

Noong 1992, nagpro­testa ang pamahalaan ng Estados Unidos sa reko­mendasyong palayain si Itaas.

Binuno ni Itaas sa kulu­­ngan ang may kabu­uang 32 taon, isang buwan, at 12 araw.

Ayon sa RTC, dahil sa GCTA, maaari nang ipagakaloob sa kanya ang kreditong 10,698 araw — o 29.31 taon — simula nang siya ay dinakip.

Nang tanungin si Itaas kung ano ang gagawin niya matapos makalaya, sinabi niyang magpapahinga muna siya at gusto niyang makasama ang kaniyang pamilya.

About hataw tabloid

Check Also

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Bongbong Marcos BBM with senators

Senators handa nang makinig sa 3rd ikatlong sona ni PBBM

HANDA ang mga senador na makinig sa ikatlong State of the Nation Address (SONA) ni …

072224 Hataw Frontpage

Para sa ekonomiya, kalusugan, edukasyon, at impraestruktura
BAGONG BATAS ITUTULAK NI PBBM SA SONA

UMAASA si House Speaker Ferdinand Martin Romualdez na hihirit ang Pangulong Ferdinand Marcos, Jr., ng …

072224 Hataw Frontpage

POGOs ‘pag nilusaw 25,064 Pinoy workers dapat protektado

SINABI ni Senador Win Gatchalian dapat maglagay ng safety nets para sa mga manggagawang Filipino …