Monday , July 22 2024

5 huli sa Malabon
3 DAYONG TULAK HULI SA NAVOTAS

WALONG tulak ng droga, kabilang ang dalawang babae ang nalambat sa isinagawang magkahi­walay na buy bust operations ng pulisya sa mga lungsod ng Malabon at Navotas.

Ayon kay Navotas City police chief Col. Dexter Ollaging, dakong 8:35 pm nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Luis Rufo, Jr., ng buy bust operation sa kahabaan ng R-10, Brgy. NBBN.

Agad sinunggaban ng mga operatiba ang mga dayong tulak na kinilalang sina Reymond Rojas, 38 anyos, Cyrell Mencidor, 23 anyos, at Annieron Lopez, 30 anyos, pawang residente sa Caloocan City matapos bentahan ng P500 halaga ng shabu ang isang police poseur-buyer.

Nakompiska sa mga suspek ang tinatayang nasa 11.3 gramo ng hinihinalang shabu na may standard drug price P76,840 at buy bust money.

Dakong 11:00 pm nang matimbog ng team ng SDEU sina Jose Dela Cruz, Jr., 37 anyos, mangingisda at vendor na si Ruben Ibañez, 56 anyos, matapos bentahan ng P500 halaga ng shabu ang isang pulis na nagpanggap na buyer sa buy bust operation sa Judge A Roldan St., Brgy., San Roque.

Nasamsam sa mga suspek ang tinatayang 11.2 gramo ng hinihinalang shabu, may standard drug price na P76,160 at marked money.

Sa Malabon City, nadakma ng mga operatiba ng Malabon Police SDEU sa ilalim ng pangangsiwa ni P/Lt. Alexander Dela Cruz sa pamumuno ni P/Col. Albert Barot si Mark Jaspher Aquino, 25 anyos, Sherwin Fuentes, 27, at Daysun Algunajota, 39 anyos, kilalang pusher sa lugar, sa isinagawang buy bust operation sa Dr. Lazcano St., Brgy. Tugatog dakong 11:10 pm.

Ayon kay P/MSgt. Randy Billedo, nakuha sa mga suspek ang tinatayang nasa apat gramo ng hinihinalang shabu, may standard drug price na P27,200 at marked money.

(ROMMEL SALES)

About Rommel Sales

Check Also

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Bongbong Marcos BBM with senators

Senators handa nang makinig sa 3rd ikatlong sona ni PBBM

HANDA ang mga senador na makinig sa ikatlong State of the Nation Address (SONA) ni …

072224 Hataw Frontpage

Para sa ekonomiya, kalusugan, edukasyon, at impraestruktura
BAGONG BATAS ITUTULAK NI PBBM SA SONA

UMAASA si House Speaker Ferdinand Martin Romualdez na hihirit ang Pangulong Ferdinand Marcos, Jr., ng …

072224 Hataw Frontpage

POGOs ‘pag nilusaw 25,064 Pinoy workers dapat protektado

SINABI ni Senador Win Gatchalian dapat maglagay ng safety nets para sa mga manggagawang Filipino …