Wednesday , July 17 2024

Kapitan na bigong maghigpit vs ‘di-bakunado paparusahan — DILG

BINALAAN ni Department of the Interior and Local Government (DILG) Undersecretary Jonathan Malaya ang mga opisyal ng barangay na papatawan ng parusa kapag nabigong higpitan na panatilihin sa loob ng kanilang mga tahanan ang mga hindi pa bakunado kontra CoVid-19. 

“‘Yung mga government officials po ay marami tayong pwedeng i-file riyan, maraming kasong puwedeng i-file — administratibo, kriminal, civil cases,” pahayag ni Malaya sa isang panayam sa radyo nitong Linggo.

Ayon kay Malaya, kung hindi susunod ang mga ‘di- bakunado at patuloy na lumalabas ng kanilang mga tahanan ay maaaring arestohin ng mga opisyal ng barangay.

“Alam kong napapagod na rin sila pero ayon talaga ang tawag ng ating tungkulin. Kailangan nating gawin ‘yon para maisalba ang ating bansa sa mas mabigat ng problema dahil sa CoVid,” giit ni Malaya.

Dagdag ng opisyal, walang barangay officials sa Metro Manila ang tumatangging magpabakuna, pero karamihan sa kanila ay nananatiling ‘di-bakunado sa mga lalawigan dahil sa takot sa ‘zombie apocalypse’ at paniniwala sa kanilang relihiyon.

Una rito, inatasan ni Pangulong Rodrigo Duterte ang lahat ng barangay officials na utusan ang kanilang mga nasasakupan na manatili sa loob ng bahay kung wala pang bakuna.

Magugunitang inaprobahan ng Metro Manila Council, na binubuo ng 17 NCR mayors, ang pagpapanatili sa kanilang mga tahanan ng mga indibidwal na hindi pa nababakunahan, maliban kung bibili ng essential goods at iba pang kinakailangang serbisyo habang nasa ilalim ng alert level 3 ang buong National Capital Region (NCR) na magtatagal hanggang 15 Enero 2022.

Nasa alert level 3 rin ang Bulacan, Cavite, at Rizal mula 3 Enero hanggang 15 Enero, habang ang Laguna ay isinailalim sa parehong alert level nitong 7 Enero hanggang 15 Enero. (ALMAR DANGUILAN)

About Almar Danguilan

Check Also

Pasay LGU at CWC, lumagda para sa Makabata Helpline 1383

Pasay LGU at CWC, lumagda para sa Makabata Helpline 1383

LALONG PINALAKAS ng Pasay city government ang inisyatibang palawakin at seryosohin ang pangangalaga sa kapakanan …

arrest prison

Kapwa may asuntong Child Abuse
AKUSADO INARESTO SA PRESO
Isa pang MWP nasakote 

DALAWANG lalaki na nakatala bilang most wanted persons (MWP) ang nalambat ng pulisya sa magkahiwalay …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …