John Gabriel naka-2 agad pelikula
MA at PA
ni Rommel Placente
BONGGA si John Gabriel na nasa pangangalaga ng BMW8 ni Daddy Wowie Roxas. Magdadalawang-taon pa lang kasi siya sa showbiz pero nakagawa na siya ng dalawang kanta na, O Pilipina at Bakit Ba?
Bukod pa rito, dalawa na rin agad ang nagawa niyang pelikula, ‘yung Caught In The Act at ang isa sa entry sa Metro Manilla Film Festival na Huling Araw sa Tag-ulan.
Masuwerte si John na naging manager niya si Daddy Wowie dahil magaling itong makisama sa lahat at may malakas na koneksiyon. Kaya dahil dito, siguradong malayo ang mararating niya sa showbiz.
