Friday , March 29 2024
010722 Hataw Frontpage

Binaril sa harap ng bahay
58-ANYOS SHS TEACHER PINATAY SA TAGAYTAY

010722 Hataw Frontpage

NAGLULUKSA ang pamilya at mga dating mag-aaral ng isang babaeng public school teacher na binaril sa harap ng kanyang bahay sa bayan ng Amadeo, lalawigan ng Cavite, nitong Miyerkoles, 5 Enero.

Ayon sa ulat ng CALABARZON Police Regional Office at Cavite PNP, sakay ng motorsiklo ang hindi kilalang suspek na bumaril sa biktimang si Normita Bautista, 58 anyos, tinamaan ng bala ng baril sa kanyang ulo, na agad nitong ikinamatay.

Nabatid na nagsisilbing guro sa senior high school sa Tagaytay City National High School si Bautista, kilala bilang si Teacher Noemi at nagtuturo ng asignaturang MAPEH.

Naganap ang krimen dakong 12:10 pm kamakalawa habang nakatayo sa harapan ng kanilang bahay sa Brgy. Salaban, sa nabanggit na bayan.

Agad nakatakas ang suspek sakay ng neon green na motorsiklo.

Samantala sa isang lumang paskil sa social media, nakita na noong Pebrero 2021, isang retiradong pulis ang itinurong naghagis ng granada sa bahay nina Bautista sa Bgy. Salaban.  

            Sa pagmamadali umano ng suspek na pulis, upang hindi makita ang paghahagis ng granada, siya ay nadapa at nakita ng mga nagpapatrolyang pulis ng Amadeo, Cavite.

Nasa kustodiya ng bomb disposal unit ang nasabing granada.

Patuloy ang imbestigasyon ng mga awtoridad upang matukoy ang pagkakakilanlan ng suspek at ang motibo sa likod ng pamamaslang.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …