Monday , August 15 2022

Sa Negros Occidental
BEYBI, MAG-ASAWA PATAY SA BUMANGGANG WATER TANKER

HINDI nakaligtas sa kamatayan ang isang pamilya na kinabibilangan ng isang 2-buwang gulang na sanggol at kanyang mga magulang nang mabangga ng water tanker na kasunod ng kanilang motorsiklo sa Sitio Ulay, Brgy. Prosperidad, lungsod ng ng San Carlos, lalawigan ng Negros Occidental, kahapon, Miyerkoles, 5 Enero.

Kinilala ang mga biktimang sina Joemar Jirasol, 29 anyos, kanyang asawang si Angeline Jirasol, 19 anyos, at kanilang sanggol na lalaki, pawang mga residente sa Brgy. Codcod, sa nabanggit na lungsod.

Sugatan rin ang 10-anyos kapatid ni Angeline, residente sa bayan ng Don Salvador Benedicto.

Ayon kay P/Capt. Roger Pama, deputy police chief ng San Carlos City Police Station, nasira ang manibela ng truck ng water tank na minamaneho ni Mykill Galgo, 24 anyos, dahilan ng pagbangga nito sa motorsiklong sinasakyan ng pamilya.

Dagdag ni Pama, tinangkang mag-overtake ni Galgo sa motorsiklo ngunit nawalan na siya ng kontrol sa truck at tuluyang bumunggo sa nauunang sasakyan.

Agad namatay ang tatlong biktima, na bumibiyahe patungo sa bayan ng Don Salvador Benedicto, nang pumailalim sa truck.

Kasalukuyang nasa pagamutan ang 10-anyos na kapatid ni Angeline na nasugatan nang tumalsik mula sa motorsiklo.

Samantala, nakapiit si Galgo sa himpilian ng pulisya habang hinihintay ang desisyon ng pamilya ng mga biktima kung sasampahan siya ng kaso.

About hataw tabloid

Check Also

SAME SEX UNION

Mas marami pang dapat iprayoridad
PH HINDI PA HANDA SA SAME SEX UNION 

AMINADO si Senate Minority Leader Aquilino “Koko” Pimentel III, hindi pa handa ang Filpinas para …

BJMP DepEd

1,000 tauhan ng BJMP, tutulong sa Brigada Eskwela 

MAGPAPAKALAT si Bureau of Jail Management and Penology (BJMP) Chief Jail Director Allan Iral ng …

dead gun

Octogenarian ‘nagbaril’ sa sentido

NAGBARIL sa sentido ang 83-anyos lolo sa loob ng kaniyang silid sa Barangay Holy Spirit, …

081522 Hataw Frontpage

Endo sa gobyerno wawakasan na
HB 521 PAG-ASA NG CONTRACTUAL EMPLOYEES

BINIGYANG pag-asa ni Kabayan partylist Rep. Ron Salo ang mahigit 660,000 contractual at job order …

e-Sabong

Jobless dumami sa suspensiyon ng e-Sabong

BUKOD sa pananalasa ngpandemyang dulot ng CoVid-19, naniniwala ang mga taga-industriya na malaki ang naging …