Thursday , January 27 2022

Babala ni Doc Willie
4th WAVE NG COVID-19 SURGE POSIBLE

010322 Hataw Frontpage

ni ROSE NOVENARIO

NAGBABALA si vice presidential candidate Doc Willie Ong na maaaring maranasan muli sa bansa ang CoVid-19 surge ngayong Enero hanggang Pebrero dulot ng Omicron variant.

Mas mabilis at malakas aniya makaha­wa ang Omicron ngunit mild ang sintomas nito kompara sa ibang variant.

“Ang duda ko halos lahat ay tatamaan in just a matter of time. Kaya kung lahat tayo ay tatamaan o 50% ng ‘Pinas ay tatamaan, it’s just a matter of time na may ano e, tatamaan tayo,” ani Ong.

“So ang gawin natin, protect ourselves at all times. Tulog, relax lang, positive lang kakayanin ‘yan, dasal, lahat ng dasal tatawagin natin at inom po ng vitamin C, inom ng Zinc, kung may combination, inom din ng vitamin B o kung anoman juice na healthy na gusto ninyo, ngayon ang tamang panahon this two months kasi hindi mo alam kung sino ang matatsam­bahan,” dagdag niya.

Pero posible aniyang simula sa Marso ay bababa nang konti ang CoVid-19 cases hanggang bumaba na.

Ito aniya ang maitu­tu­ring na ika-apat na wave na mararanasan sa bansa at ang pinkahuli o ang third wave ay noong Agosto hanggang Oktu­bre dulot ng Delta variant.


FACE-TO-FACE CLASSES
SA NCR ‘KANSELADO’

SINUSPENDE ng Department of Education (DepEd) ang face-to-face classes sa Metro Manila kasunod ng pag-iral ng Alert Level 3 sa rehiyon simula ngayon bunsod ng paglobo ng kaso ng CoVid-19.

“Face-to-face classes for pilot schools in NCR are suspended until the alert level reverts to Level 2,” ayon sa advisory ng DepEd kagabi.

Matatandaan, may 28 public schools sa Metro Manila ang pinayagan noon nakaraang buwan na magsagawa ng limited in-person classes nang ibaba sa Alert Level 2 ang rehiyon.

“Face-to-face classes in pilot schools in areas under Alert Levels 1 and 2 shall continue in the meantime that DepEd finalizes its report on the pilot face-to-face classes,” sabi sa advisory.

Isinailalim ng Inter-Agency Task Force (IATF) sa Alert Level 3 ang NCR mula 3 – 15 Enero 2022 sanhi ng mabilis na pagtaas ng kaso ng CoVid-19 sa bansa.

Naitala kahapon ang 4,600 kompirmadong bagong kaso ng CoVid-19 sa Filipinas.

Kaugnay nito, iniutos ni Chief Justice Alexander Gesmundo ang 3-day work suspension sa Supreme Court mula Enero 3 -5 dahil maraming Court personnel ang nagpositibo sa CoVid-19 antigen testing.

Habang isinara muli ng Baguio City ang kanilang borders sa mga turista simula kahapon dahil sa pangamba sa Omicron variant ng CoVid-19.

About Rose Novenario

Check Also

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Money Thief

Pera ng teachers, nawala rin
PALACE OFFICIAL P.2-M NASIMOT SA GOV’T BANK

ni Rose Novenario TALIWAS sa slogan ng Land Bank of the Philippines (LBP) na “We …

Bobby Estrella

Mr. Malasakit KON.BOBBY ESTRELLA

MULA sa pagiging Punong Barangay ng Pulong Gubat, Balagtas, Bulacan ay tinahak niya ang landas …