Friday , February 3 2023
Jerwin Ancajas

Ancajas vs Martinez para sa IBF title fight

NAKANSELA ang unification fight sa pagitan nina IBF junior bantam­weight champion Jerwin Ancajas at WBO titlist Kazuto Ioka, kaya maba­baling ang atensiyon ng Pinoy champ kay Fernando Daniel Martinez ng Argen­ti­na na pansamantalang ikinasa  sa 19 Pebrero sa New York o sa New Jersey.

Ang itinakdang laban ni Ancajas kay Martinez ay nangyari dahil sa pag­kadiskarel ng laban ng IBF champ kay Ioka na nakatakdang mangyari noong Biyernes sa Tokyo.   

Nakansela ang nasabing laban dahil sa paghihigpit ng Japan sa ‘foreign travelers’ na pumasok sa kanilang border simula pa noong 30 Nobyembre, sa pag-iingat na kumalat sa bansa ang coronavirus variant Omicron.

Si Ioka ay mapapa­laban sa kanyang kaba­bayang si Ryogi Fukunaga para sa New Year’s Eve show sa Ota-City Gymnasium sa Tokyo.

Para hindi rin masa­yang ang ginugol na matinding training ng kaliweteng 29-anyos mula sa Panabo, idedepensa niya sa ika-10 pagkakataon ang kanyang korona  laban kay Martinez.

Huling umakyat sa ring si Ancajas noong Abril, nang talunin niya via unanimous decision si Jonathan Javier Rodriguez sa Mohegan Sun Arena sa Uncasville, Connecticut.

Si Martinez ay aakyat sa ring laban kay Ancajas na may impresibong kartang 13 wins, walang talo na may 8 KOs. Ito ang kanyang unang salang sa US.  

May impresibong huling panalo si Martinez noong Agosto sa Dubai nang patulugin niya si Gonzalo Garcia  sa 4th round.

Aakyat si Ancajas sa ring na taglay ang IBF junior bantamweight title na hawak niya sa loob ng 65 buwan. Siya ang ikatlong boksingero na may pinakamahabang rekord na naghari sa kanyang dibisyon.  

Una sa listahan si WBC featherweight titlist Gary Russell, Jr.,  may rekord na 31-1, 18 KOs. Hawak niya ang titulo simula noong Marso 2015; at si WBA strawweight champion Thammanoon Niyomtrong (23-0, 9 KOs) na nag­kampeon noong Hunyo 2016.

About hataw tabloid

Check Also

Casares, Alcoseba nanguna sa National Age Group Triathlon Series

Casares, Alcoseba nanguna sa National Age Group Triathlon Series

OLONGAPO – Ipinamalas ng Filipino-Spanish na si Fernando Jose Casares ang kanyang tibay, lakas at …

Henry Calacday

Calacday, Tayag, Soliman kalahok sa Tarlac chess tourney

MANILA — Pangungunahan nina Henry Calacday, Jesus Tayag, at Arnold Soliman ang pagtatangol sa probinsiya …

Martin Romualdez Justin Brownlee

Pagbati kay Brownlee ipinaabot ng Speaker

IPINAABOT ni House Speaker Ferdinand Martin G. Romualdez ang pagbati sa basketball player na si …

Racasa Chess

PH woodpusher Racasa sasabak sa Indonesia

MANILA — Matapos magkampeon sa High School Girls Division ng Pasig Alliance of Private School …

Jan Emmanuel Garcia Herky Del Mundo MARLON BERNARDINO Chess

IM Garcia naghari sa Del Mundo Open Rapid chess tourney

MANILA — Pinagharian ni International Master (IM) Jan Emmanuel Garcia ang Sir Herky Del Mundo …