Friday , January 21 2022
Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na temperatura sa Baguio City at National Capital Region (NCR) ngayong taon.

Sa naitala ng PAGASA, ang tempera­tura sa Baguio City ay bumagsak sa 11.4 Celsius bandang 4:50 am habang sa Science Garden monitoring station ng kanilang tanggapan sa Quezon City ay nakapag-record ng 20.4 Celsius dakong 6:15 am.

Ayon sa state weather bureau, ang malamig na temperatura ng hangin ay bunsod ng northeast monsoon (amihan) season at maaaring mag­tagal pa hanggang Pebrero sa susunod na taon.

Kabilang sa nairekord na may “low air temperature” nitong umaga ng Linggo ay ang Basco, Batanes na may 17.0°C, Tanay, Rizal -17.8°C, Casiguran, Aurora -18.8°C, Tuguegarao City, Cagayan-19.0°C, Abucay, Bataan- 19.1°C, San Jose, Occidental Mindoro- 19.6°C, Malaybalay, Bukidnon -20.0°C at Baler, Aurora na may 20.6°C.

Nabatid, ang pinaka­mababang temperatura ay naitala sa Baguio City na may 6.3 Celsius noong 18 Enero 1961 habang ang pinakamababa naman na naitala sa Metro Manila ay 15.1 Celsius noong 4 Pebrero 1987 at 30 Disyembre 1988.

 (ALMAR DANGUILAN)

About Almar Danguilan

Check Also

Comelec

Desisyon ng Comelec, irespeto — Lacson

NANAWAGAN si presidential aspirant senator Panfilo “Ping” Lacson sa lahat na irespeto ang nagging desisyon …

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …