Wednesday , August 10 2022
P500 500 Pesos

Suspek na 2 Chinese, Pinoy natakasan
MALAYSIAN KINIDNAP SA P500 RANSOM

SA KABILA ng limang daang pisong ransom money, natakasan pa rin ng Malaysian national ang mga dumukot sa kanya na dalawang Chinese national at isang Pinoy sa Pasay City matapos dalhin sa Quezon City nitong Sabado.

Ang biktima ay kinilalang si Victor Mak, 29 anyos, binata, Malay­sian national, residente sa Unit 106 Avida Towers, 24th St., BGC, Taguig City.

Habang ang dalawang suspek, ayon sa biktima ay  parehong Chinese nationals at ang isa naman ay Filipino, pawang sakay ng puting Toyota Alphard.

Sa report ng Kamuning Police Station ng Quezon City Police District (QCPD-PS 10), bandang 5:30 pm nitong 4 Disyembre, nang kidnapin ang biktima sa harap ng Hilton Hotel sa Pasay City.

Batay sa imbestiga­syon ni P/SSgt. Bryan Busto, naghahanap ng trabaho sa Chinese group ang biktima sa pamama­gitan ng telegram application.

Agad siyang inalok ng posisyon sa isang Chinese company at nitong 4 Disyembre, dakong 5:30 pm ay nakipagkita si Mak sa mga suspek sa harap ng Hilton Hotel, Pasay City.

Habang nag-uusap, nagulat ang biktima nang puwersahan siyang isakay ng mga suspek sa Toyota Alphard hanggang mapansin ng biktima na huminto sila sa harap ng WIL Tower sa Eugenio Lopez Drive, Brgy. South Triangle, Quezon City.

Doon ay pinag­bantaan ang biktima at sinabihan siya ng mga suspek ng … “Give us P500 and  we will set you free.”

Pero nang hindi makapagbigay ang biktima ay inilipat siya sa Hi Ace Van at pinag­tulungang bugbugin ng mga suspek sa loob ng sasakyan.

Nang makatiyempo ay nagtatakbo ang biktima at humingi ng saklolo sa mga taong nagdaraan sa Wil Tower at eksaktong may nagdaraan na police patrol na nama­taan ang komosyon.

Agad tumakas ang mga suspek nang maki­ta ang mga paparating na pulis.

Patuloy pang nag­sa­sa­gawa ng masusing imbestigasyon ang mga awtoridad upang matukoy ang mga Chinese na dumukot sa biktima. (ALMAR DANGUILAN)

About Almar Danguilan

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …