Wednesday , August 10 2022

Sa Malabon
2 TULAK ARESTADO SA P.3-M SHABU

KULUNGAN ang binagsakan ng dalawang tulak ng ipinagbabawal na droga nang makuhaan ng mahigit sa P.3 milyong halaga ng shabu sa isinagawang buy bust operation sa Malabon City, kahapon ng madaling araw.

Kinilala ni Malabon City police chief, Col. Albert Barot ang naarestong mga suspek na sina Irene Flores, 42 anyos, residente ng Bisig ng Kabataan, Brgy. 2, Caloocan City, at Vincent Macapar, 27 anyos, residente sa Pampano St., Brgy. Longos ng nasabing lungsod.

Batay sa ulat ni P/MSgt. Randy Billedo, dakong 4:30 am nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni P/Lt. Alexander Dela Cruz ng buy bust operation sa Pampano St., Brgy. Longos.

Nagawa ni P/Cpl. Emiel Jay Cantos, nagpanggap na buyer, na makaiskor ng P7,500 halaga ng shabu kay Flores.

Matapos tanggapin ni Flores ang marked money mula sa poseur buyer kapalit ng isang plastic sachet ng shabu, agad siyang sinunggaban ng mga operatiba, kasama si Macapar.

Nasamsam sa mga suspek ang tinatayang nasa 51 gramo ng hinihinalang shabu, may standard drug price P346,800 at buy bust money.

Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002. (ROMMEL SALES)

About Rommel Sales

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …