Friday , March 29 2024
ambulance Boy Cruz, Cris Castro, Micka Bautista

Handog ni Mayor Boy Cruz tinanggap ni Konsehal Cris Castro
2 AMBULANSIYA SA 2 BARANGAY NG PANDI, BULACAN

MASAYANG TINANG­GAP ni Pandi Councilor Cris Castro nitong nakaraang 24 Oktubre 2021 ang dalawang ambulansiya na ipinag­kaloob ni Guiguinto Mayor Ambrosio “Boy” Cruz para sa dalawang barangay ng naturang bayan, sa lalawigan ng Bulacan.

Sa pagsuporta ni Mayor Boy Cruz, na tatakbong congressman sa ikalimang distrito ng Bulacan, isinabay na rin ang isang medical mission sa mga barangay ng Cacarong Bata at Cacarong Matanda, gamit ang isang high-tech na bus na kompleto sa kagamitan tulad ng X-ray, ultrasound, ECG, blood chemistry, at medical check-up.

Ayon kay Konsehal Cris, tatakbong mayor ng Pandi, una niyang nilapitan at kinausap si Mayor Boy Cruz hinggil sa problema ng mga barangay ng Cacarong Bata at Cacarong Matanda sa kawalan ng mga ambu­lansiya lalo at kailangan ito nang mana­lasa ang pan­demyang dulot ng CoVid-19.

Upang maiparating kay Mayor Cruz ang problema, personal siyang inanyayahan ni Konsehal Castro sa kanyang tahanan sa Brgy. Cacarong Bata kung saan siya nakatira.

Kinumbida rin ni Konsehal Castro sina Cacarong Matanda Brgy. Captain Gerry Cruz at Cacarong Bata Brgy. Captain Rady Estrella upang maiparating sa alkalde ang problema ng kanilang mga nasasa­kupan.

Habang humihigop ng mainit na sabaw sa inihan­dang alumusal, binanggit nina Konsehal Castro kay Mayor Cruz na kailangan nila ng ambulansiya upang mabilis na maiha­tid sa pagamutan ang mga kabarangay nilang nagkakasakit.

Hindi nag-atubili si Mayor Cruz at kinaling­guhan ay ipinahatid niya ang dalawang ambulan­siya na ginagamit na ngayon sa mga barangay ng Cacarong Bata at Cacarong Matanda.

 (MICKA BAUTISTA)

About Micka Bautista

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …