Tuesday , January 31 2023
No Entry, mall, indoor dine-in, Covid-19

Al fresco dining ng minors, dedesisyonan ng IATF — DILG

INIHAYAG ni Department of the Interior and Local Government (DILG) Undersecretary at Spokesperson Jonathan Malaya na inaantabayanan nila sa ngayon ang magiging desisyon ng pamahalaan kung tuluyang papayagan ang mga menor de edad sa mga al fresco dining outlets sa mga susunod na araw.

Ito ay sa gitna ng posibilidad na tuluyan nang maibaba sa Alert Level 2 ang National Capital Region (NCR) sa Nobyembre at bunsod nang pagsisimula ng pagbabakuna sa hanay ng nasa edad 12-17 anyos.

Ayon kay Malaya, ito ay depende sa magiging rekomendasyon ng Department of Health (DOH) at desisyon ng Inter-Agency Task Force for the Management of Emerging Infectious Diseases (IATF).

“At the very least, outside in al fresco establishments. We just began the vaccination of minors. I think we’re going to stick with the rule that all those who do dine-in must all be vaccinated as a rule, so if there’s a possibility it will be at the dining out or in the al fresco areas but let’s wait for that final decision from the IATF before we make plans,” ayon kay Malaya.

Kasabay nito, tiniyak rin ni Malaya na tinatalakay na rin ngayon ng IATF ang posibilidad na pahintulutan ang mga kabataan sa iba pang lugar, gaya ng mga mall at mga pasyalan.

Aniya, inaasahan na niyang sa lalong madaling panahon ay maglalabas ng anunsiyo hinggil dito ang IATF.

Aminado rin si Malaya na maging siya ay umaasang maisasama ang kanyang mga anak sa labas, maging sa malls.

Ipinaliwanag ni Malaya, ang general rule sa ilalim ng alert level system ay papayagan lamang lumabas ng bahay ang mga senior na 65-anyos pataas at ang mga kabataang 18-anyos pababa kung ito’y para sa essential activities, gaya nang pagbili ng pagkain at gamot.

Gayonman, hindi pa rin umano sila maaaring kumain sa labas gaya sa malls.

“So we hope that there will be some changes there and that has been intensely discussed by the IATF,” dagdag ng DILG official. (ALMAR DANGUILAN)

About Almar Danguilan

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …