Tuesday , August 9 2022
Sabong IATF

Pansariling interes isantabi
SABONG BAWAL SA BULACAN

NAKIPAG-UGNAYAN ang mga miyembro at opisyal ng Samahan ng mga Sabungero sa Bulacan sa bagong itinalagang provincial director ng Bulacan Police Provincial Office (BPPO) na si P/Col. Manuel Lukban, Jr., matapos magtungo noong Miyerkoles, 13 Oktubre sa tanggapan ni Bulacan Governor Daniel Fernando upang ipabatid ang kanilang mga hinaing.

Sa harap ni P/Col. Lukban, inilahad ng grupo ang kanilang buong suporta sa mga alitun­tunin ng IATF tungkol sa kasalukuyang community quarantine sa lalawigan.

Inamin ng grupo sa kanilang pag-uusap na malaki ang nalulugi sa kanilang industriya simula nang ipinagbawal ang sabong dahil sa pandemyang dulot ng CoVid-19.

Ipinaliwanag ni Lukban ang kasalukuyang ipinatutupad na alituntunin ng IATF sa umiiral na modified enhanced community quarantine (MECQ) sa lalawigan na mahigpit ipinagbabawal ang mga establisimiyentong pangl­ibangan, isa na rito ang live sabong at iba pang uri ng mga sugal.

Napagtanto umano ng mga may-ari ng mga sabungan na higit nilang kailangang panga­lagaan ang kanilang kalusugan at isantabi muna ang kanilang personal interest.

Anila, susuportahan at igagalang nila ang itinakdang panukala ng IATF kaya hindi muna magbubukas ang mga sabungan para sa kalusugan ng lahat.

Samantala, ipinabatid ni Governor Fernando na bawal ang operasyon ng mga sabu­ngan alinsunod sa alituntuning ipinapatupad ng IATF sa Bulacan.

Binigyang-diin ng gober­nador ang kanyang pagpa­pahalaga hindi lamang sa kalusugan ng mga sabungero kundi gayondin sa mga mama­mayan ng buong lalawigan ng Bulacan.

Ngunit batay sa pag­sisiyasat, napag-alaman ng pulisya na may mga poli­tikong may­roong pansariling interes ang nagbubuyo sa samahan ng mga sabungero na magtipon-tipon at magsagawa ng rally na lumalabag sa regulasyon ng IATF.

Bunsod nito, patuloy ang paala­la ng pulisya na makiisa ang samahan ng mga sabungero sa alituntunin ng IATF para sa kapakanang pangkalusugan lalo ngayong panahon ng pandemya.

Dagdag ni Lukban, hangad ng Bulacan PNP na manatili ang katahimikan at kapayapaan sa buong lalawigan kabilang ang maproteksiyonan ang kalusugan ng bawat mamamayan.

Gayondin, nagpapaalala ang pamahalaang panlalawigan sa pamumuno ni Gov. Fernando sa mga Bulakenyo na mag-ingat at umiwas sa mga politikong may personal interest na gustong baliin ang itinakdang batas o panuntunang pangkalusugan ngayong pandemya.

 (MICKA BAUTISTA)

About Micka Bautista

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …