Sunday , July 14 2024
knife saksak

Obrero ginilitan ng leeg

MUNTIK nang paglamayan ang isang 39-anyos obrero nang gilitan ng leeg ng lasing na kagalit habang naglalakad sa Malabon City, kahapon ng hapon.

Mabilis na naagapan ng mga doctor sa isang health center ang sugat ng biktimang kinilalang si Joel Robles, residente sa 86 Women’s Club St., Brgy. Hulong Duhat, sanhi ng tama ng patalim sa leeg.

Agad inaresto ang kapitbahay na kinilalang si Ricky Boy Bernal, 37 anyos, kalugar ng biktima, nakuhaan ng patalim na ginamit na panggilit sa kanyang leeg.

Sa ulat nina P/SSgt. Jeric Tindugan at P/SSgt. Michael Oben kay Malabon police chief P/Col. Albert Barot, dakong 3:00 pm, habang nakaupo at nagpapahinga sa isang upuan sa Talabahan St., Brgy. Hulong Duhat si Robles nang mula sa kanyang likuran ay sumulpot ang umano’y lasing na suspek na armado ng patalim at tinangkang gilitin ang leeg nito.

Bagama’t bumaon na ng bahagya sa kanyang leeg ang patalim, nagawa ni Robles na makipagpambuno sa suspek na nakatawag pansin kina Jayson Ramos at Danny Espiritu, kapwa mga nagrorondang barangay tanod, kaya’t mabilis na tumakas si Bernal.

Hinabol ng mga tanod si Bernal hanggang masukol at mabawi sa kanya ang ginamit na patalim na may bahid ng dugo habang isinugod sa pinakamalapit na pagamutan ang biktima na may bahagyang hiwa sa leeg.

Kasong attempted homicide ang kinakaharap ng suspek sa piskalya ng Malabon City. (ROMMEL SALES)

About Rommel Sales

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …