Saturday , May 28 2022
Rice, Bigas

Negosyante, 1 pa, huli sa entrapment ops (Sako ng bigas na Dinorado)

ARESTADO ng mga awtoridad sa entrapment operation ang dalawa katao na sinabing sangkot sa pagbebenta ng mga sako ng bigas na may markang Dinorado Farmer’s Choice nang walang pahintulot mula sa sole distributor nito sa Malabon City, kamakalawa ng gabi.

Kinilala ni Malabon City  Police Chief P/Col. Albert Barot ang mga suspek na sina Nicomedes Bren, 54 anyos, negosyante, residente sa Melon Road, Brgy. Potrero ng nasabing lungsod; at Christian Calderon, 35 anyos, tricycle driver ng Bunducan, Bocaue, Bulacan.

Huli ang dalawang suspek, dakong 7:00 pm ng mga operatiba ng Station Investigation and Detective Management Section (SIDMS) sa pangunguna ni P/SSgt. Jeric Tindugan at P/Cpl. Anastacio Pangan, Jr., sa Block 52 Villa Martinez, Bautista St. Brgy. Panghulo.

Batay sa ulat ni P/SSgt. Michael Oben, ang kaso ay nagmula sa reklamo ng Northern Luzon Grain Dealer Inc., kinatawan ni Kristian David Rivera, 37 anyos, sales executive.

Matapos mag-alok ang mga suspek na nagbebenta ng mga sako ng bigas, may markings ng “Dinorado Farmer’s Choice” sa kanilang facebook account na nasa P5.50 centavos bawat isa, kung saan ang complainant ang sole distributor nito.

Ani Col. Barot, nagawang makipagtransaksiyon ng isang police poseur-buyer sa mga suspek ng 3,000 pirasong sako kapalit ng P16,500 marked money na binubuo ng tatlong pirasong tunay na P1,000 bill at 13 pirasong boodle money.

Iprenesinta ang mga naarestong suspek sa inquest proceedings sa Malabon City Prosecutor’s Office para sa kasong paglabag sa R.A. 8293 of the Intellectual Property Act at Estafa. (ROMMEL SALES)

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …