Thursday , December 2 2021
FIRING LINE ni Robert B. Roque, Jr.
FIRING LINE ni Robert B. Roque, Jr.

‘Di masisisi ang nagsialisang nurses

FIRING LINE
ni Robert B. Roque, Jr.

SA HULING update, sinabi ng Private Hospitals Association of the Philippines Inc. (PHAPi) na 40 porsiyento ng kanilang nurses ay nagsipag-resign na sa kasagsagan ng pandemya. Hindi natin sila masisisi. Ginawa ng mga nurses ang kanilang tungkulin sa mga maysakit, pero sa kabila ng matinding pagod, kakaunti pa rin ang kanilang kinikita para sa kani-kanilang pamilya, na delikado rin sa hawaan ngayong may pandemya.

Mas malala pa ang sitwasyon ng mga nurses sa mga ospital ng gobyerno. Karamihan sa kanila ay hindi lang iisang beses nahawaan ng virus na hindi sinasadyang naiuwi pa nila sa kani-kanilang mga pamilya. Kasabay nito, sangkatutak ang palusot ng gobyerno upang pagtakpan ang kabiguang maibigay ang allowances nila. Kahiya-hiya na mismong ang regional director na ng World Health Organization (WHO) Western Pacific ang nanawagan sa ating gobyerno na pagkalooban ng kinakailangang suporta ang ating mga healthcare workers.

Sa ngayon, 75,000 nurses ang nagtatrabaho pa rin sa mga pampubliko at pribadong ospital para mapagtagumpayan ng bansa ang laban kontra CoVid-19. Dahil sa pandemya, naglilingkod sila sa ilalim ng kaawa-awang kalagayan, nagdu-duty nang sobra-sobra sa kanilang shift, at kinakailangan magsuot ng diapers upang hindi na gumamit pa ng banyo sa maghapon.

Nasa 109,000 pang nurses ang kailangan upang may tatao sa mga nurse stations sa mga ospital sa bansa, pero kahit pa nabakunahan na – sino ang makapagsasabing ligtas sila? Bagamat likas sa ating mga nurses ang kagustuhang maglingkod, alam nilang ipinapain lang nila ang kanilang sarili sa panganib nang walang kaukulang suporta at proteksiyong labis nilang kinakailangan.

Kaya naman hindi ko pupunahin ang gobyerno sa pagpayag sa 5,000 nurses natin na humanap ng trabaho sa ibang bansa ngayong taon. Isa iyong oportunidad para mapaginhawa nila ang sitwasyon ng kani-kanilang pamilya rito ngayong panahon ng krisis at, siyempre pa, makapag-aambag sila sa ating ekonomiya.

Ngunit ang pakinabang ng pagpili nila sa mas malaking kita ay hindi magagawang tumbasan ang kaawa-awang sinasapit ng mga miyembro ng kanilang sektor na naiwan dito na nasosobrahan na sa trabaho pero kapos na kapos ang sinusuweldo. At dahil dito, dapat managot ang gobyerno sa hibang nitong kabiguan na matiyak ang mga benepisyo ng ating mga healthcare workers.

Hindi sapat ang magtirik ng isang multi-milyong pisong memorial bilang pagbibigay-pugay sa walang sawang serbisyo ng mga healthcare workers sa mga kababayan nating nahawaan ng CoVid-19. Saang panig man ng mundo sila magtungo, ang ating mga nurses ay paulit-ulit na kikilalanin bilang mga bayani. Ang kaibahan lang, irerespeto ng ibang bansa ang karapatan nilang magkaroon ng maayos at disenteng pagkakakitaan.

*              *              *

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

About Robert B. Roque, Jr.

Check Also

Bulabugin ni Jerry Yap

True friendship lasts forever

MAGANDANG gabi po sa inyong lahat. Una ko pong nakilala si Jerry Yap, sa katotohanang …

Usaping Bayan ni Rev. Fr. Nelson Flores, MSCK, JD

Adviento

USAPING BAYANni Rev. Fr. Nelson Flores, MSCK, JD. NITONG nagdaang araw ng Linggo ay nagsimula …

FIRING LINE ni Robert B. Roque, Jr.

China, bully na in denial

FIRING LINEni Robert B. Roque, Jr. MAPAGKUNWARI ang China, sa ilalim ni Xi Jinping, pagdating …

Bulabugin ni Jerry Yap

Maligaya na ang birthday ko, okey na si Rommel — JSY

MARAMING salamat, Sir JSY. Nabulabog mo kaming lahat, mga tauhan mo, pamilya, lahat ng nagmamahal …

AKSYON AGAD ni Almar Danguilan

Quezon Gov. Suarez et al, kakasuhan ng plunder? Bakit?

AKSYON AGADni Almar Danguilan SASAMPAHAN ng plunder o pandarambong si Quezon Province governor Danilo Suarez. …